રાજ્યમાં ઘણા દિવસોથી ips અધિકારીઓની બદલી અંગે અનેક વાત ચાલી રહી હતી. ગુજરાતમાં એક સાથે 25 ipsઅધિકારીઓની બદલી કરવામાં આવી છે. આ તમામ બદલીના આદેશ ગૃહ વિભાગમાંથી આપવામાં આવ્યા છે.
હિમકરસિંહની બદલી રાજકોટ ગ્રામ્ય એસપી તરીકે કરવામાં આવી
અનેક મોટા અધિકારીની બદલી કરવામાં આવી છે. CID ક્રાઈમના વડા રાજકુમાર પાંડિયનની બદલી કાયદો વ્યવસ્થામાં કરવામાં આવી છે. આ ઉપરાંત અમરેલી જિલ્લા પોલીસવડા હિમકરસિંહની બદલી રાજકોટ ગ્રામ્ય એસપી તરીકે કરવામાં આવી છે. એમએલ નિનામા જેઓ જોઈન્ટ કમિશનર ઓફ પોલીસ ક્રાઈમ અને ટ્રાફિક વડોદરા હતા તેમને ઈન્સપેકટર જનરલ ઓફ પોલીસ સ્ટેટ સ્ટેટ ટ્રાફિક બ્રાંચ ગાંધીનગર મુકાયા છે.
આદેશ ગૃહ વિભાગમાંથી આપવામાં આવ્યા
ગુજરાતના જાબાજ મહિલા પોલીસ ઓફિસર વિધિ ચૌધરી સ્પેશિયલ કમિશનર અમદાવાદ તરીકે મૂકાયા છે. તેઓ રાજકોટ ફરજ બજાવતા હતા. જ્યારે રાજકોટ ગ્રામ્ય જિલ્લા પોલીસવડા જયપાલસિંહ રાઠોડ જોઈન્ટ JCP સેક્ટર -2 અમદાવાદ તરીકે બદલી કરવામાં આવી છે.જ્યારે શમશેર સિંહને એન્ટ કરપ્શન બ્યુરોના ડાયરેકટર તરીકે જોવા મળશે. જ્યારે અજયકુમાર ચૌધરીને એડિશનલ ડાયરેકટર જનરલ ઓફ પોલીસ મહિલા સેલ ગાંધીનગર ખાતે બદલી કરવામાં આવી છે.
