Wether update: છેલ્લા ઘણા દિવસોથી રાજ્યમાં ઠંડીનો ચમકારો જોવા મળી રહ્યો છે. ઉત્તરાયણ નજીક આવતા પતંગ રસિયા પણ જાણવા માંગે છે કે અગામી દિવસોમાં વાતાવરણમાં કેવું પરીર્વતન આવશે. ત્યારે પરેશ ગોસ્વામી દ્વારા આગાહી કરવામાં આવી હતી.અમદાવાદમાં આજથી ઠંડી સાથે પવનમાં પણ વધારે જોવા મળી શકે છે.આ ઉપરાંત તાપમાનમાં ઘટાડો જોવા મળી શકે છે. તેની સાથે સાથે આવતા થતાં એક અઠવાડિયા સુધી ઠંડીમાં પણ વધારો થઈ શકે છે.આગામી અઠવાડિયે શહેરનું તાપમાન 8 ડિગ્રીથી નીચે ગગડવાની સંભાવના રહેલી છે. ગુજરાતમાં સૌથી ઓછું નલિયામાં 8 ડીગ્રી આસપાસ તાપમાન નોંધાયું છે.
વેસ્ટર્ન ડિસ્ટર્બને કારણે તાપમાનમાં ઘટાડો થાય તેવી સંભાવના
રાજ્યમાં 2 થી 3 ડિગ્રી તાપમાન ઘટી જશે અને ફરી ઠંડીનો ચમકારો જોવા મળશે. બે દિવસ બાદ તાપમાનમાં સામાન્ય ઘટાડો થાય તેવી આગાહી કરવામાં આવી છે. વેસ્ટર્ન ડિસ્ટર્બને કારણે તાપમાનમાં ઘટાડો થાય તેવી આગાહી કરવામાં આવી છે. જો કે હાલ ઉત્તર પૂર્વથી પૂર્વના પવન ફૂંકાઈ રહ્યાં છે જેના પગલે આગામી 2 દિવસ બાદ તાપમાનમાં ઘટાડો થઈ શકે છે.આગામી બે દિવસ બાદ ફરી ઠંડી વધે તેવી શકયતા છે. જેમાં રાજ્યના મોટા ભાગના જિલ્લાઓમાં ઠંડીના કારણે તાપમાનમાં ઘટાડો જોવા મળી શકે છે.
11 જાન્યુઆરી આસપાસ કમોસમી વરસાદ
આ સાથે સાથે હવામાન નિષ્ણાંત અંબાલાલ પટેલે 11 જાન્યુઆરી આસપાસ વેસ્ટન ડિસ્ટર્બન્સના કારણે ઉતર એટલાન્ટિક મહાસાગરમાં લો પ્રેશર સાનુકૂળ હશે તો આ વેસ્ટન ડિસ્ટર્બન્સથી ઉતર ભારતથી ગુજરાત સુધી કમોસમી વરસાદ થવાની શક્યતા રહેશે. ભારતના મોટાભાગના વિસ્તારમાં હવામાનમાં પલટો આવશે. 11 થી 14 જાન્યુઆરીના મુંબઈથી કર્ણાટક સુધી વરસાદ થવાની શક્યતા રહેશે. અરબ સાગર અને બંગાળના ઉપસાગરમા પવનો આવશે.
