Visavadar તાલુકામાં અનાજ ચોરીના ખુલાસા બાદ રાજકારણમાં ગરમાવો જોવા મળી રહ્યો છે. ભાજપે આમ આદમી પાર્ટી (AAP) પર ગંભીર આક્ષેપો કરતાં પાર્ટી નેતાઓને ઘેરવાનું શરૂ કર્યું છે. ભાજપના મીડિયા કન્વીનર Dr. Yagnesh Dave એ આજે નિવેદન આપતાં ખાસ કરીને AAP ના નેતા Gopal Italia પર તીખા પ્રહારો કર્યા.
ડૉ. દવેના જણાવ્યા અનુસાર, ગોપાલ ઇટાલિયા હાલ ચોરીના આરોપી રજાક પરમારને બચાવવા માટે પ્રયત્નશીલ છે. ભાજપનો દાવો છે કે રજાક પરમાર, જે વિસાવદર તાલુકામાં AAPના સહ-મંત્રિ તરીકે કાર્યરત છે, તેના ઘરે મૂલ્લ્ય આધારિત સરકારી અનાજનો જથ્થો મળી આવ્યો છે.
આ ઉપરાંત, ભાજપે ખુલાસો કર્યો છે કે જેતલવડ ગામે આવેલી સસ્તા અનાજની દુકાનનું લાઇસન્સ પણ રજાક પરમારના નામે જ છે, અને શક્ય છે કે તેનું દુરુપયોગ થયું હોય. ડૉ. દવેના અનુસંધાને, સમગ્ર મામલો માત્ર ભ્રષ્ટાચારનો નથી, પણ એ ખેડૂતો અને ગરીબોના હકના અનાજની ચોરી છે, જેને કોઈપણ સ્થિતિમાં માફ કરી શકાય નહીં.
આ પણ વાંચો – Visavadar: AAP નેતાને ત્યાં સરકારી અનાજનો જથ્થો ઝડપાયો
તેમણે રાજ્ય સરકાર અને સ્થાનિક તંત્રને તાત્કાલિક તપાસ કરી લાઇસન્સ રદ કરવા તેમજ કાયદેસર કાર્યવાહી કરવા અનુરોધ કર્યો છે. AAP તરફથી હજી સુધી કોઈ અધિકૃત પ્રતિસાદ આપવામાં આવ્યો નથી. જો કે, લોકલ રાજકારણમાં આ મુદ્દો ગરમાયું છે અને આગામી દિવસોમાં વધુ ખુલાસાઓ થવાની સંભાવના છે.
