Vikram Thakor : વિધાનસભા ગૃહમાં ગુજરાતી ફિલ્મ એક્ટર Vikram Thakorને આમંત્રણ ન આપવાનો મામલો હવે ગરમાયો છે. રવિવારે ક્ષત્રિય ઠાકોર સમાજના Vikram Thakor દ્વારા સ્નેહમિલન કાર્યક્રમનું આયોજન કરવામાં આવ્યું હતું. ગાંધીનગરના કુડાસણ ખાતે આવેલા તુલસી ફાર્મમાં તમામ ઠાકોર સમાજના લોકો સંમેલનમાં પહોંચ્યા હતા. વિક્રમ ઠાકોરના સમર્થનમાં મોટી સંખ્યામાં સમર્થકો અને ટેકેદારો ઉપસ્થિત થયા હતા.
આ કાર્યક્રમમાં વિક્રમ ઠાકોર સહિત અન્ય કલાકારો ઉપસ્થિત રહ્યા હતા. ઠાકોર સમાજના ગુજરાતી અભિનેતા વિક્રમ ઠાકોર દ્વારા સંમેલનનું આયોજન કરવામાં આવ્યું હતું. વિધાનસભામાં ઠાકોર સમાજના અભિનેતાઓને આમંત્રિત ન કરાયા હોવાથી વિક્રમ ઠાકોરની નારાજગી હતી ત્યારે ગુજરાતી અભિનેતા વિક્રમ ઠાકોરે મંચ પરથી હુંકાર કર્યો હતો. આ કાર્યક્રમમાં વિક્રમ ઠાકોરે સરકારને આડકતરી રીતે આડેહાથ લીધા હતા.
