khyati hospital: ખ્યાતિ હોસ્પિટલ હત્યાકાંડને લઈ સૌવથી મોટા સમાચાર સામે આવ્યા છે. છેલ્લા કેટલાક દિવસોથી નાસતો ફરતો મુખ્ય આરોપી કાર્તિક પટેલે આખરે ઝડપાઈ ગયો છે. મોડી રાત્રે અમદાવાદ ઈન્ટરનેશનલ એરપોર્ટ પરથી તેની ધરપકડ કરવામાં આવી છે. અમદાવાદ ક્રાઈમ બ્રાન્ચ દ્વારા કાર્તિકની ધરપકડ કરવામાં આવી છે. ક્રાઈમબ્રાન્ચમાં તેની આકરી પૂછપરછ પણ કરવામાં આવી રહી છે.તમને જણાવી દઈએ કે રાજ્યમાં કુખ્યાત થયેલા ખ્યાતિ હોસ્પિટલ કાંડમાં દર્દીઓના બિનજરૂરી ઓપરેશન કરવામાં આવ્યા હતા. જેના કારણે અનેક લોકોના મોત થયા છે. જ્યારે વસ્ત્રાપૂર પોલાસ સ્ટેશનમાં ખ્યાતિ હોસ્પિટલના સંચાલકો અને તબીબો વિરુદ્ધ ફરિયાદ નોંધાઈ હતી.
બિનજરૂરી ઓપરેશન કરવામાં આવ્યા હતા
મળતી માહિતી અનુસાર ખ્યાતિ હોસ્પિટલના મુખ્ય આરોપી કાર્તિક પટેલ દુબઈથી અમદાવાદ આવી રહ્યો હતો ત્યારે તેની સામે કાર્યવાહી કરવામાં આવી હતી.તમને જણાવી દઈએ કે કાર્તિક પટેલ ખ્યાતિ હોસ્પિટલનો માલિક છે. કાર્તિક પટેલ હેલ્થ,એજ્યુકેશન,રિયલ એસ્ટેટ, હોસ્પિટિલિટી,એન્ટરટેઈનમેન્ટ સહિતના અનેક વ્યવસાય સાથે સંકળાયેલી છે.
કાર્તિક પટેલ દુબઈથી અમદાવાદ આવી રહ્યો હતો
કાર્તિક પરિવાર સાથે વિદેશમાં વેકેશન માણવાનો શોખીન છે. પોલીસે તેને વોન્ટેડ જાહેર કર્યો હતો. આ ઉપરાંત તેની સામે લૂકઆઉટ નોટિસ પણ જાહેર કરવામાં આવી હતી. હવે કાર્તિક પટેલની ધરપકડ બાદ પૂછપરછમાં અનેક મોટા ખુલાસા થઈ શકે છે. નોંધનિય છે કે, કાર્તિક પટેલે ધરપકડથી બચવા આગોતરા જામીન અરજી કરી હતી. જો કે, જમાઈ મારફતે કરેલી આગોતરા જમીન અરજી કોર્ટે ફગાવી દીધી હતી. ખ્યાતિકાંડના બધા આરોપીની આગોતરા જમીન અરજી નામંજુર કરવામાં આવી હતી.
