ભારતની Smriti Mandhana ICC મહિલા ODI બેટ્સમેન રેન્કિંગમાં ટોચ પર પહોંચી ગઈ છે. તે દક્ષિણ આફ્રિકાની લૌરા વોલ્વાર્ટ અને ઇંગ્લેન્ડની નતાલી સિવર બ્રન્ટને પાછળ છોડીને નંબર-1 પર પહોંચી છે. Smriti Mandhana 5 વર્ષ પછી નંબર-1 બેટ્સમેન બની છે. તે છેલ્લે 2019 માં ઇંગ્લેન્ડ સામેની શ્રેણી સમાપ્ત થયા પછી ટોચ પર પહોંચી હતી. Off Spinner Deepti Sharma બોલરો માટે ODI રેન્કિંગમાં ચોથા નંબર પર યથાવત છે. તે T20 રેન્કિંગમાં બીજા નંબર પર છે. દીપ્તિ બંને ફોર્મેટના ઓલરાઉન્ડર રેન્કિંગમાં ટોપ-4 માં પણ હાજર છે.
ICC એ મંગળવારે મહિલા ખેલાડીઓના રેન્કિંગમાં અપડેટ કર્યું. મંધાના 1 સ્થાનનો ઉછાળો આવ્યો, તે 727 પોઈન્ટ સાથે ટોચ પર પહોંચી. સિવર-બ્રન્ટ પણ 1 સ્થાન ઉપર આવ્યો, તે અને વોલ્વાર્ટ 719 પોઈન્ટ સાથે બીજા નંબર પર યથાવત છે. ભારતની અન્ય કોઈ ખેલાડીને ટોપ-10 બેટ્સમેન રેન્કિંગમાં સ્થાન મળ્યું નથી. જેમિમા રોડ્રિગ્ઝ 15મા ક્રમે છે અને હરમનપ્રીત કૌર 16મા ક્રમે છે. T20 બેટ્સમેન રેન્કિંગમાં, મંધાના સિવાય, ભારતનો કોઈ પણ બેટ્સમેન ટોપ-10માં સામેલ નથી. મંધાના ચોથા ક્રમે છે. ઓસ્ટ્રેલિયાની બેથ મૂની, વેસ્ટ ઈન્ડિઝની હેલી મેથ્યુસ અને ઓસ્ટ્રેલિયાની તાહલિયા મેકગ્રા ટોપ-3 સ્થાન પર છે.
આ પણ વાંચો – Operation Sindoor: “ભારત મધ્યસ્થી સ્વીકારશે પણ નહીં”
ODI માં ટોપ-10 બોલરોમાં દીપ્તિ શર્મા ચોથા ક્રમે છે. ઈંગ્લેન્ડની સોફી એક્લેસ્ટોન, ઓસ્ટ્રેલિયાની એશ્લે ગાર્ડનર અને મેગન શટ ટોપ-૩ સ્થાન પર છે. આ રેન્કિંગમાં ભારતની આગામી ટોચની ખેલાડી રેણુકા સિંહ છે, જે ૨૪મા ક્રમે છે. જોકે, ટી૨૦ બોલરો રેન્કિંગમાં, દીપ્તિ બીજા સ્થાને છે જ્યારે રેણુકા પાંચમા ક્રમે છે. બંને ફોર્મેટના ઓલરાઉન્ડર રેન્કિંગમાં કોઈ ફેરફાર થયો નથી. એશ્લે ગાર્ડનર વનડેમાં ટોચ પર છે, દીપ્તિ ચોથા નંબરે છે. ટી20માં હેલી મેથ્યુસ નંબર 1 પર છે અને દીપ્તિ નંબર 3 પર છે. બંને ફોર્મેટના ટીમ રેન્કિંગમાં કોઈ ફેરફાર થયો નથી. ભારત મહિલા ટીમ 121 રેટિંગ પોઈન્ટ સાથે વનડેમાં ત્રીજા નંબર પર છે અને T20માં 260 રેટિંગ પોઈન્ટ સાથે ત્રીજા નંબર પર છે. ઓસ્ટ્રેલિયા અને ઈંગ્લેન્ડ બંને ફોર્મેટમાં નંબર 1 અને 2 પર છે.
