ઋષભ પંતને IPL 2025ની મેગા ઓક્શનમાં લખનૌ સુપર જાયન્ટ્સે ખરીદ્યો હતો. લખનૌની ટીમે પંતને 27 કરોડ રૂપિયાની મોટી રકમ ચૂકવીને પોતાનો હિસ્સો બનાવ્યો છે. અગાઉ પંત દિલ્હી કેપિટલ્સનો હિસ્સો હતો.પંત અચાનક દિલ્હીથી અલગ થતા તેણે એક ભાવનાત્મક પોસ્ટ લખી હતી. હવે આ પોસ્ટ ખુબ વાયરલ થઈ રહી છે. આ પોસ્ટ વાંચીને તમારા આંખ માંથી આશુ નિકળી જશે. પંતે 2016માં દિલ્હી કેપિટલ્સ તરફથી IPLમાં ડેબ્યૂ કર્યું હતું. પંત 2024 સુધી IPLમાં માત્ર એક જ ટીમ દિલ્હી કેપિટલ્સ તરફથી રમ્યો હતો. હવે IPL 2025માં તે બીજી ટીમ લખનૌ સુપર જાયન્ટ્સ તરફથી રમતા જોવા મળશે.
જીવનની સૌથી મુશ્કેલ ક્ષણોમાં મારી પડખે ઊભા રહ્યા
દિલ્હી કેપિટલ્સને અલવિદા કહેતા પંતે એક પોસ્ટમાં લખ્યું, ગુડબાય કહેવું ક્યારેય સરળ નથી. દિલ્હી કેપિટલ્સ સાથેની સફર અદ્ભુતથી હતી. મેદાન પરના રોમાંચથી લઈને તેની બહારની ક્ષણો સુધી, મેં ક્યારેય કલ્પના પણ નહોતી કરી કે હું કિશોર વયે અહીં આવ્યો છું અને છેલ્લા નવ વર્ષમાં અમે સાથે મોટા થયા છીએ. પંતે આગળ લખ્યું આ પ્રવાસને સાર્થક બનાવનાર તમે છો, ફેન્સે મને ગળે લગાડ્યો, મને પ્રોત્સાહિત કર્યો અને મારા જીવનની સૌથી મુશ્કેલ ક્ષણોમાં મારી પડખે ઊભા રહ્યા, જેમ જેમ હું આગળ વધી રહ્યો છું, હું તમારો પ્રેમ અને સમર્થન જાળવી રાખું છું.
લખનૌ સુપર જાયન્ટ્સે 27 કરોડ રૂપિયાની બોલી લગાવી
તમામ ક્રિકેટ પંડિતોની ધારણા મુજબ પંતની હરાજીમાં જોરદાર બોલી જોવા મળી હતી. લખનૌ સુપર જાયન્ટ્સ તેને ખરીદવા માટે શરૂઆતથી બોલી લગાવી હતી. જ્યારે તેની સાથે સાથે સનરાઈઝર્સ હૈદરાબાદ અને કેકેઆરની ટીમે બોલી લગાવી હતી. પરંતું LSGએ આ તમામ ટીમોને પછાડી લખનૌ સુપર જાયન્ટ્સે 27 કરોડ રૂપિયાની બોલી લગાવી પંતને ખરીદી લીધો હતા.
રિષભ પંતે 2016માં દિલ્હી કેપિટલ્સ તરફથી IPLમાં ડેબ્યું કર્યું હતું
રિષભ પંતે વર્ષ 2016માં દિલ્હી કેપિટલ્સ તરફથી IPLમાં ડેબ્યું કર્યું હતું. જોરદાર પ્રદર્શનના કારણે પંત 2021માં વિરાટ કોહલી,સ્ટીવ સ્મિથ, સુરેશ રૈના પછી સૌથી યુવા કેપ્ટન બન્યો હતો. પંતે અત્યારસુધીમાં 111 મેચમાં 35.31ની સરેરાશથી 3284 રન બનાવ્યા છે. રિષભ પંત IPLમાં કેપિટલ માટે સૌથી વધુ રન બનાવનાર બેટ્સમેન છે. લાસ્ટ IPL સિઝનમાં તેણે 13 મેંચમાં 446 રન બનાવ્યા હતા. આઈપીએલમાં અત્યાર સુધીમાં 18 અડધી સદી અને 1 સદી પણ ફટકારી છે.
