અલ્લુ અર્જુનની ફિલ્મ ‘પુષ્પા 2: ધ રૂલ’ રિલીઝ થતાની સાથે જ ફેમસ થઈ ગઈ હતી. રિલીઝ પહેલા જ આ ફિલ્મને લઈને ઘણો ક્રેઝ જોવા મળ્યો હતો. સ્ક્રીન પર આવ્યા બાદ પણ પુષ્પા 2: ધ રૂલને લઈને ચાહકોમાં અદભૂત પ્રતિસાદ મળી રહ્યો છે.આ ફિલ્મ બોક્સ ઓફિસ પર જોરદાર કલેક્શન કરી રહી છે. આ ફિલ્મએ બે દિવસમાં અડધા બજેટનું વળતર મળી ગયું છે.
પુષ્પા 2: ધ રૂલ 5 ડિસેમ્બરે રિલીઝ થઈ હતી
SACNILCના રિપોર્ટ અનુસાર 5 ડિસેમ્બરે રિલીઝ થયેલી ફિલ્મ ‘પુષ્પા 2: ધ રૂલે પહેલા દિવસે 164.25 કરોડ રૂપિયાની રેકોર્ડબ્રેક ઓપનિંગ કમાણી કરી હતી. ફિલ્મે માત્ર પેઇડ પ્રિવ્યૂમાં 10.65 કરોડ રૂપિયાની કમાણી કરી હતી. હવે બીજા દિવસે પણ અલ્લુ અર્જુનની ફિલ્મે બોક્સ ઓફિસ પર 90.1 કરોડ રૂપિયાનું શાનદાર કલેક્શન કર્યું છે. પુષ્પા 2: ધ રૂલે માત્ર બે દિવસમાં સ્થાનિક બોક્સ ઓફિસ પર લગભગ 265 કરોડ રૂપિયાની કમાણી કરી છે. આ સાથે ફિલ્મે તેના અડધાથી વધુ બજેટની રિકવરી કરી લીધી છે. મીડિયા રિપોર્ટ્સ અનુસાર આ ફિલ્મ 500 કરોડ રૂપિયાના ખર્ચે બની હતી.
ફિલ્મ 500 કરોડ રૂપિયાના ખર્ચે બની હતી
પુષ્પા 2: ધ રૂલે માત્ર બે દિવસમાં ઘણી સુપરહિટ ફિલ્મોના રેકોર્ડ તોડી નાખ્યા છે. અદભૂત કલેક્શન સાથે આ ફિલ્મે બોલિવૂડ અને સાઉથની ઘણી ફિલ્મોના રેકોર્ડ તોડી નાખ્યા છે. આ યાદીમાં અજય દેવગનની તાજેતરમાં રિલીઝ થયેલી ફિલ્મ સિંઘમ અગેન, કાર્તિક આર્યનની ભૂલ ભુલૈયા 3 અને શિવકાર્તિકેયની ફિલ્મ અમરનનો સમાવેશ થાય છે. દિવાળી પર રિલીઝ થયેલી સિંઘમ અગેઇનએ બોક્સ ઓફિસ પર કુલ રૂ. 247.72 કરોડનો બિઝનેસ કર્યો હતો. ભૂલ ભુલૈયા 3 એ રૂ. 259.74 કરોડ જ્યારે અમરને રૂ. 252.09 કરોડનો બિઝનેસ કર્યો હતો.
