ભારતીય જનતા પાર્ટી (BJP)એ મંગળવાર (17 ડિસેમ્બર) તેના સાંસદો માટે વ્હીપ જારી કર્યો છે. મળતી માહિતી મુજબ એક દેશ એક ચૂંટણી (One Nation One Election) બિલ મંગળવારે બપોરે 12 વાગ્યે લોકસભામાં રજૂ થઈ શકે છે. માનવામાં આવે છે કે કેન્દ્રીય કાયદા મંત્રી અર્જુન મેઘવાલ આ બિલ રજૂ કરશે.સૂત્રોના જણાવ્યા અનુસાર વન નેશન વન ઈલેક્શન (One Nation One Election) ને લઈને એનડીએના તમામ ઘટક પક્ષો સાથે ચર્ચા કરવામાં આવી છે. અને તમામ પક્ષો તેની તરફેણમાં છે. સરકારી સૂત્રોના જણાવ્યા અનુસાર વિરોધ પક્ષો માત્ર રાજકીય કારણોસર જ તેનો વિરોધ કરી રહ્યા છે. આ બિલને સંસદીય સમિતિને મોકલવામાં સરકારને કોઈ વાંધો નથી.
મળતી માહિતી મુજબ અર્જુન મેઘવાલ આ બિલ રજૂ કરશે
આ બિલ દ્વારા સરકાર ઈચ્છે છે કે સમગ્ર દેશમાં વિધાનસભા અને લોકસભાની ચૂંટણી એકસાથે યોજવામાં આવે. લોકસભા અને રાજ્યની વિધાનસભાની ચૂંટણી એક સાથે યોજવા પાછળ અનેક પ્રકારની દલીલો કરવામાં આવી રહી છે.સરકાર અને આ બિલ સાથે જોડાયેલી સમિતિનો દાવો છે કે ચૂંટણી માટે આદર્શ આચારસંહિતા લાગુ થતાંની સાથે જ સરકાર કોઈ નવી યોજના લાગુ કરી શકશે નહીં. આચારસંહિતા દરમિયાન નવા પ્રોજેક્ટ, નવી નોકરીઓ કે નવી નીતિઓની જાહેરાત કરી શકાતી નથી અને તેની અસર વિકાસના કામો પર પડે છે. દેશને વિકાસમાં અવરોધોનો સામનો કરવો પડે છે, દરરોજ દેશના સંસાધનો ખર્ચાય છે અથવા ચૂંટણીમાં ફસાઈ જાય છે. દાવો કરવામાં આવે છે કે આનાથી સરકારી કર્મચારીઓને ચૂંટણી ડ્યુટીમાંથી પણ મુક્તિ મળશે.
એનડીએના ઘટક પક્ષોએ બિલની તરફેણ કરી
ભારતમાં વર્ષ 1967 સુધી લોકસભા અને રાજ્ય વિધાનસભાની ચૂંટણીઓ એક સાથે યોજાતી હતી. 1947 માં આઝાદી પછી નવા બંધારણ હેઠળ દેશમાં પ્રથમ સામાન્ય ચૂંટણીઓ વર્ષ 1952માં યોજાઈ હતી. ત્યાર બાદ એકસાથે રાજ્ય વિધાનસભાની ચૂંટણીઓ પણ યોજાઈ હતી. પરંતુ કેરળમાં ડાબેરી સરકારની રચના સાથે વર્ષ 1957માં અલગ ચૂંટણીનો ટ્રેન્ડ તૂટી ગયો હતો. કારણ કે કેન્દ્ર સરકારે 1957ની ચૂંટણી પછી ત્યાં રાષ્ટ્રપતિ શાસન લાદી દીધું હતું.
