Mahakumbh 2025: ઉત્તર પ્રદેશના પ્રયાગરાજમાં ગુરુવારે મહાકુંભ મેળા વિસ્તારમાં આગ લાગી હતી. જો કે ફાયર બ્રિગેડે આગ પર કાબુ મેળવ્યો હતો. પીપા બ્રિજ નંબર 18 પાસે આગની ઘટના બની હતી. આરએએફ યુપી પોલીસ અને ફાયર બ્રિગેડ ઘટનાસ્થળે પહોંચી અને પરિસ્થિતિને કાબૂમાં લીધી. સેક્ટર 18, શંકરાચાર્ય માર્ગ પર આવેલા હરિહરાનંદ કેમ્પમાં આગ લાગી હતી.
ફાયર બ્રિગેડે આગ કાબુમાં લીધી
મીડિયા સાથે વાત કરતા એક પોલીસ અધિકારીએ જણાવ્યું હતું કે આગ લાગી હતી અને થોડીવારમાં તેને કાબૂમાં લેવામાં આવી હતી. કોઈ જાનહાનિ થઈ નથી. આર્થિક નુકસાનનું મૂલ્યાંકન કરવામાં આવી રહ્યું છે. ફાયર બ્રિગેડની વિશેષ ટીમ આગ કયા કારણોસર લાગી તેની તપાસ ચાલુ છે.ઘટનાસ્થળે જાહેરાત કરતાં એક પોલીસ અધિકારીએ કહ્યું કે કોઈ જાનહાનિ નથી.અધિકારીએ જાહેરાત કરી કે સ્થતિ નિયંત્રણમાં છે.બધાએ એસેમ્બલી પોઈન્ટ પર આવવું જોઈએ. આગ લાગ્યા બાદ પોન્ટૂન બ્રિજ નંબર 18 પર શ્રદ્ધાળુઓની ભીડ એકઠી થઈ ગઈ હતી.
ફાયર બ્રિગેડ ઘટનાસ્થળે પહોંચી
સેક્ટર 18માં જ્યાં આગ લાગી હતી ત્યાં મોટી સંખ્યામાં સંતો રહે છે. છેલ્લા ઘણા દિવસોથી અહીં એટલી ભીડ છે કે પગ રાખવાની પણ જગ્યા નથી. પોલીસે આરએએફ અને ફાયર બ્રિગેડ ઘટનાસ્થળે પહોંચી હતી. એક ટીમ તરીકે કામ કરી, કેટલાક સ્થળોએ રસ્તો બ્લોક કર્યો અને અન્ય સ્થળોએ માર્ગ ડાયવર્ટ કરવામાં આવ્યા છે.
ફાયર એન્જિનોને સ્થળ પર પહોંચવું મુશ્કેલ બન્યું
આ પહેલા 30 જાન્યુઆરીએ મહા કુંભ મેળાના સેક્ટર 22ની બહાર ચમનગંજ ચોકી પાસે એક ખુલ્લા વિસ્તારમાં આગ લાગી હતી. જેના કારણે લગભગ 15 ટેન્ટ બળી ગયા હતા. ફાયર વિભાગે તરત જ જવાબ આપ્યો અને આગને કાબૂમાં લીધી હતી. આ ઘટનામાં કોઈ જાનહાનિ થઈ નથી. ચીફ ફાયર ઓફિસર (કુંભ) પ્રમોદ શર્માએ કહ્યું હતું કે તે ઝડપથી ઓલવાઈ ગઈ હતી. તેમણે ઉલ્લેખ કર્યો હતો કે યોગ્ય રસ્તાઓના અભાવે ફાયર એન્જિનોને સ્થળ પર પહોંચવું મુશ્કેલ બન્યું હતું.
