Rishabh Pant: લખનઉ સુપર જાયન્ટ્સે ઈન્ડિયન પ્રીમિયર લીગની 18મી સીઝન માટે તેના કેપ્ટનની જાહેરાત કરી છે. લખનૌ સુપર જાયન્ટ્સ (LSG) ના માલિક સંજીવ ગોએન્કાએ જાહેરાત કરી કે ઋષભ પંત IPL 2025માં ટીમનો કેપ્ટન રહેશે.ગત સિઝન સુધી કેએલ રાહુલ લખનૌના કેપ્ટન હતો. પરંતુ આઈપીએલ 2025ની હરાજીમાં તેને રિલીઝ કરવામાં આવ્યો હતો. IPL 2025ની મેગા ઓક્શનમાં લખનૌ સુપર જાયન્ટ્સે ઋષભ પંત (Rishabh Pant) માટે ઐતિહાસિક બોલી લગાવી હતી.લખનૌએ 27 કરોડ રૂપિયામાં ખરીદ્યો હતો.હવે પંત IPLના ઈતિહાસનો સૌથી મોંઘો કેપ્ટન પણ બની ગયો છે.
ઋષભ પંત બન્યો લખનઉ સુપર જાયન્ટ્સનો કેપ્ટન
લખનૌ સુપર જાયન્ટ્સના માલિક સંજીવ ગોએન્કાએ ઋષભ પંત સાથે પ્રેસ કોન્ફરન્સ કરી હતી. આ પ્રેસ કોન્ફરન્સ દરમિયાન તેણે જાહેરાત કરી હતી કે ઋષભ પંત લખનૌ સુપર જાયન્ટ્સની કપ્તાની સંભાળશે. ગોએન્કાએ દાવો કર્યો કે ઋષભ પંત (Rishabh Pant) IPLના ઈતિહાસમાં સૌથી મહાન કેપ્ટન બનશે.તમને જણાવી દઈએ કે ઋષભ પંત પહેલા દિલ્હી કેપિટલ્સનો કેપ્ટન હતો.
લખનૌએ 27 કરોડ રૂપિયામાં ખરીદ્યો હતો
તમને જણાવી દઈએ કે IPL 2025માં અત્યાર સુધી સાત ટીમોએ કેપ્ટન નક્કી કરી દિધા છે. લખનૌ સુપર જાયન્ટ્સના કેપ્ટન ઋષભ પંત (Rishabh Pant) ચેન્નાઈ સુપર કિંગ્સના કેપ્ટન રુતુરાજ ગાયકવાડ, ગુજરાત ટાઈટન્સના કેપ્ટન શુભમન ગિલ, રાજસ્થાન રોયલ્સના કેપ્ટન સંજુ સેમસન, મુંબઈ ઈન્ડિયન્સના કેપ્ટન હાર્દિક પંડ્યા, પંજાબ કિંગ્સના કેપ્ટન શ્રેયસ અય્યર અને સનરાઈઝર્સ હૈદરાબાદના કેપ્ટન પેટ કમિન્સ છે. હવે આરસીબી, કેકેઆર અને દિલ્હી કેપિટલ્સના કેપ્ટનની જાહેરાત થવાની બાકી છે.
