IND vs PAK: ભારતે બાંગ્લાદેશને 6 વિકેટથી હરાવ્યું હતું. હવે પછીની આગામી મેચ રોહિત શર્માના નેતૃત્વમાં ભારતીય ટીમ પાકિસ્તાન સામે રમશે.રોહિત શર્માની શરૂઆત ચેમ્પિયન્સ ટ્રોફીમાં સારી રીતે શરૂ થઈ છે. પ્રથમ મેચમાં કેપ્ટને 36 બોલમાં 41 રન બનાવ્યા હતા. હવે તેની નજર પાકિસ્તાન સામેની મેચ પર રહેશે, આ મેચમાં તેને સચિન તેંડુલકરનો મોટો રેકોર્ડ તોડવાની તક મળશે.રવિવારે UAEમાં આવેલા દુબઈ ઇન્ટરનેશનલ સ્ટેડિયમ ખાતે ભારત અને પાકિસ્તાનની ટીમ એકબીજા સામે ટકરાશે.
રોહિત શર્મા સચિનના રેકોર્ડને તોડવાથી 4 સિક્સ દૂર
ચેમ્પિયન્સ ટ્રોફી 2025માં ભારત વિરુદ્ધ પાકિસ્તાન મેચ યજમાન માટે કરો યા મરો હશે.પાકિસ્તાનને આ મેચ જીતવી પડશે તે પછી તે સેમી -ફાઇનલમાં જવાનો માર્ગ બનાવશે. રોહિત શર્માએ છેલ્લી મેચમાં 11 હજાર વનડે રન પૂર્ણ કર્યા હતા, તે આ આંકડાને સ્પર્શ કરનાર બીજો ભારતીય બન્યો હતો. હવે રોહિતને પાકિસ્તાન સામે બીજો મોટો રેકોર્ડ બનાવવાની તક છે.
રોહિત શર્માએ 11 હજાર વનડે રન પૂર્ણ કર્યા
ભારતીય સચિન તેંડુલકરે જેમણે પાકિસ્તાન સામે વનડે ક્રિકેટમાં સૌથી વધુ છગ્ગા ફટકાર્યા હતા. તેણે 69 મેચની 67 ઇનિંગ્સમાં 29 સિક્સર ફટકારી છે. હાલમાં તેની પાછળ ટીમ ઈન્ડિયાનો કેપ્ટન રોહિત શર્મા છે. રોહિત શર્મા સચિનના રેકોર્ડને તોડવાથી 4 સિક્સ દૂર છે. રોહિત 19 મેચમાં 26 સિક્સર ફટકારી છે.રોહિત શર્મા વિશ્વનો બીજો ખેલાડી છે જેણે વનડે ક્રિકેટમાં સૌથી વધુ સિક્સર ફટકારી છે. તેણે 269 મેચોમાં 338 સિક્સર ફટકારી છે. તેની આગળ પાકિસ્તાનનો શાહિદ આફ્રિદી છે, તેણે 398 મેચમાં 351 સિક્સર ફટકારી છે.
