સોમવારે ઢાકામાં આંતરરાષ્ટ્રીય ગુના ટ્રિબ્યુનલ દ્વારા બાંગ્લાદેશના ભૂતપૂર્વ વડા પ્રધાન Sheikh Hasina ને મૃત્યુદંડની સજા ફટકારવામાં આવી હતી. જુલાઈ 2024 માં વિદ્યાર્થી વિરોધ પ્રદર્શન દરમિયાન થયેલી હત્યાઓના માસ્ટરમાઇન્ડ તરીકે તેમને દોષી ઠેરવવામાં આવ્યા બાદ આ ચુકાદો આવ્યો. તેમણે સામનો કરેલા પાંચ કેસોમાં, તેમને બે સૌથી ગંભીર ગુનાઓ – હત્યા માટે ઉશ્કેરણી અને હત્યાનો આદેશ આપવા – માં મૃત્યુદંડની સજા ફટકારવામાં આવી હતી જ્યારે બાકીના ગુનાઓમાં તેમને આજીવન કેદની સજા ફટકારવામાં આવી હતી. ચુકાદો જાહેર થતાં જ કોર્ટરૂમ તાળીઓથી ગુંજી ઉઠ્યો, જે ફરી એકવાર દર્શાવે છે કે નિર્ણય કેટલો રાજકીય રીતે ગરમ હતો.
બાંગ્લાદેશની વર્તમાન યુનુસ સરકારે આ ચુકાદા પછી ભારત સરકારને સત્તાવાર અપીલ કરી છે. સરકારનું કહેવું છે કે ભારત અને બાંગ્લાદેશ વચ્ચેની પ્રત્યાર્પણ સંધિ મુજબ ભારતે Sheikh Hasina ને બાંગ્લાદેશના હવાલે કરવાનું ફરજિયાત બને છે. આગામી દિવસોમાં ભારતનો પ્રતિભાવ કોર્ટ પ્રક્રિયા અને રાજકીય પરિસ્થિતિ પર મોટો પ્રભાવ પાડશે.
આ પણ વાંચો – Ahmedabad: પોલીસની કાર્યવાહી વિરુદ્ધ રેલી કાઢી કોને ચીમકી આપી?
