Gujarat Budget: આજથી ગુજરાત વિધાનસભાના બજેટ (Gujarat Budget) સત્રની શરૂઆત થશે.જેમાં નાણાકીય વર્ષ 2025-26નું બજેટ ચાર નવા વિધેયક અને બજેટમાં 10 જેટલી નવી જાહેરાતો કરવામાં આવશે. વિધાનસભાનું બજેટ સત્ર 38 દિવસનું છે. જેમાં 10 દિવસ રજા હોવાથી કૂલ 27 બેઠક મળશે.પ્રથમ દિવસની શરૂઆત રાજ્યપાલના ભાષણથી થશે.ત્યારબાદ પૂર્વ પ્રધાનમંત્રી મનમોહનસિંહ અને તાજેતરમાં અવસાન પામેલા કડીના ધારાસભ્ય સ્વ.કરશન સોલંકીને તમામ ધારાસભ્ય શ્રદ્ધાંજલિ આપશે.
વિધાનસભાનું બજેટ સત્ર 38 દિવસનું છે
વિધાનસભા ગૃહમાં ચર્ચા કરવામાં આવશે.જ્યારે દિવસના અંતે ફિઝીયોથેરાપી કાઉન્સિલ રદનું અને આરોગ્ય સંસ્થાના રજીસ્ટ્રેશનના સુધારા વિધેયક રજૂ કરવામાં આવશે. જ્યારે આવતી કાલે નાણાંમંત્રી કનુભાઈ દેસાઈ બજેટ (Gujarat Budget) રજૂ કરશે. વિધાનસભા દરમિયાન કોંગ્રેસ જમીનના કૌભાંડી,આરોગ્ય સેવાનો ખ્યાતિકાંડનો મામલો ભરતીમાં અનિમિતતા ગેરરીતિ સહિતના પ્રશ્નોને લઈને રાજ્ય સરકારને ઘેરવાનો પ્રયાસ કરશે. આ ઉપરાંત બજેટ પર 4 દિવસ ચર્ચા થશે.
નાણાંમંત્રી કનુભાઈ દેસાઈ બજેટ રજૂ કરશે
બજેટ (Gujarat Budget) ને લઈ થોડા દિવસ પહેલા શાસક પક્ષ ભાજપના ઘારાસભ્યોની બેઠક મળી હતી. મુખ્યમંત્રી ભૂપેન્દ્ર પટેલે અને પ્રદેશ અધ્યક્ષ સી.આર.પાટીલની અધ્યક્ષતામાં મળેલી બેઠકમાીં મંત્રી મંડળના સભ્યો સહિત ભાજપના ધારાસભ્યો ઉપસ્થિત રહ્યા હતા. દોઢ મહિનો ચાલનારા વિધાનસભા બજેટ સત્ર દરમિયાન ભાજપની રણનીતિ પર પ્રદેશ પ્રમુખ સી.આર.પાટીલે ધારાસભ્યોને માર્ગદર્શન આપ્યું હતું.સરકારની કામગીરીને વિધાનસભા ગૃહમાં કેવી રીતે રજૂ કરવી તથા કોંગ્રેસના આરોપોનો કેવી રીતે જવાબ આપવો તે અંગે માર્ગદર્શન આપ્યું હતું.
