Shaktikanta Das: ભારતીય રિઝર્વ બેંક (RBI)ના ભૂતપૂર્વ ગવર્નર શક્તિકાંત દાસ વડાપ્રધાન નરેન્દ્ર મોદીના મુખ્ય સચિવ તરીકે નિમૂંણક કરવામાં આવી છે.તેમણે RBI ગવર્નર તરીકે 6 વર્ષ સુધી સેવા આપ્યા બાદ શક્તિકાંત દાસ (Shaktikanta Das) ગયા વર્ષે ડિસેમ્બરમાં નિવૃત્ત થયા હતા. હવે નિવૃત્તિના થોડા મહિના બાદ તેમને મોટી જવાબદારી મળવા જઈ રહી છે. હાલમાં પ્રમોદ કુમાર મિશ્રા (પીકે મિશ્રા) પીએમના મુખ્ય સચિવ-1 છે. તેમની સાથે શક્તિકાંત દાસ (Shaktikanta Das) હવે પ્રિન્સિપલ સેક્રેટરી-2ના રોલમાં જોવા મળશે. શક્તિકાંત દાસ (Shaktikanta Das) 1980 બેચના નિવૃત્ત ભારતીય વહીવટી સેવા અધિકારી છે.
RBI ગવર્નર તરીકે 6 વર્ષ સુધી સેવા આપ્યા
કેબિનેટની નિમણૂક સમિતિ (એસીસી)એ જણાવ્યું હતું કે દાસની નિમણૂક વડા પ્રધાનના કાર્યકાળ સાથે અથવા આગળના આદેશો સુધી, બેમાંથી જે વહેલું હોય ત્યાં સુધી રહેશે. ACCના આદેશમાં જણાવાયું છે કે તેઓ વડાપ્રધાનના અગ્ર સચિવ તરીકે ડૉ. પી.કે. મિશ્રા, વડાપ્રધાન-1ના અગ્ર સચિવ તરીકે કામ કરશે.શક્તિકાંત દાસ (Shaktikanta Das) ડિસેમ્બર 2018થી છ વર્ષ સુધી આરબીઆઈના વડા હતા. તેમની પાસે ચાર દાયકાથી વધુના શાસનના વિવિધ ક્ષેત્રોમાં બહોળો અનુભવ છે. તેમણે નાણા, કરવેરા, ઉદ્યોગ, ઈન્ફ્રાસ્ટ્રક્ચર વગેરે ક્ષેત્રોમાં કેન્દ્ર અને રાજ્ય સરકારોમાં મહત્વપૂર્ણ હોદ્દા પર કામ કર્યું છે.
પ્રિન્સિપલ સેક્રેટરી-2ના રોલમાં જોવા મળશે.
શક્તિકાંત દાસે (Shaktikanta Das) તેમના 6 વર્ષના RBI કાર્યકાળના છેલ્લા 4 વર્ષમાં આર્થિક વૃદ્ધિ દર 7 ટકાથી ઉપર જાળવવામાં મહત્વની ભૂમિકા ભજવી હતી. દાસ, 1980 બેચના IAS અધિકારી, મહેસૂલ વિભાગ અને આર્થિક બાબતોના વિભાગના સચિવ પણ રહી ચૂક્યા છે. આરબીઆઈમાંથી નિવૃત્ત થયા પછી, તેમને 15મા નાણાં પંચના સભ્ય અને ભારતના G20 શેરપાના સભ્ય તરીકે નિયુક્ત કરવામાં આવ્યા હતી. દાસ પાસે લગભગ 4 દાયકાથી શાસનના વિવિધ ક્ષેત્રોમાં કામ કરવાનો બહોળો અનુભવ છે.
