Corona Update: Gujarat માં કોરોનાનું સંક્રમણ દિવસે દિવસે વધી રહ્યું છે. ત્યારે ગુજરાતમાં એક જ દિવસમાં નવા 107 કોરોનાના કેસ નોંધાયા છે. રાજ્યમાં એક્ટિવ કેસની સંખ્યા 615 નોંધાઈ છે. જેમાં 600 દર્દીઓને હોમ આઈસોલેશનમાં રાખવામાં આવ્યા છે. તો અન્ય 15 દર્દીઓ હોસ્પિટલમાં સારવાર હેઠળ ખસેડવામાં આવ્યા છે. હાલનો વાયરસ ઓમીક્રોનના પેટા ટાઈપ વેરિએન્ટ હોવાનું અનુમાન લગાવવામાં આવ્યું છે.

જો દેશમાં વધતા કોરોનાના કેસની વાત કરીએ તો ભારતમાં કુલ 5364 એક્ટિ કેસ છે.  જ્યારે 4724 લોકોને ડિસ્ચાર્જ આપવામાં આવ્યો છે. વર્તમાન સમયમાં સૌથી વધુ કોરોનાના કેસ 1679 કેરળમાં નોંધાયા છે. જ્યારે સૌથી ઓછા કેસ ત્રિપુરામાં નોંધાયા છે. રાજીવ બહલે જણાવ્યું હતું કે પશ્ચિમ અને દક્ષિણ ભારતમાં વાયરસના નમૂનાઓના જીનોમ સિક્વન્સિંગથી જાણવા મળ્યું છે કે કેસોમાં વધારો કરી રહેલા વાયરસનું વર્તમાન સ્વરૂપ ગંભીર નથી. આ ઓમિક્રોન વાયરસનું એક નવું સ્વરૂપ છે.

Corona Update અંગે તેમણે કહ્યું કે વાયરસના જે ચાર નવા સ્વરૂપો મળી આવ્યા છે તેમાં LF.7, XFG, JN.1 અને NB.1.8.1નો સમાવેશ થાય છે. આ બધા ઓમિક્રોન વેરિઅન્ટમાંથી ઉદ્ભવ્યા છે. વાયરસના LF.7, XFG, JN.1 વેરિઅન્ટમાંથી ચેપના વધુ કેસ છે. ડૉ. બહલે કહ્યું, “અમે પરિસ્થિતિ પર નજીકથી નજર રાખી રહ્યા છીએ. આ સમયે આપણે દેખરેખની સાથે સતર્ક રહેવું જોઈએ. જોકે, ચિંતા કરવાની કોઈ વાત નથી.”

Corona Update કેરળ, ગુજરાત અને બંગાળમાં સૌથી ખરાબ સ્થિતિ

Corona Virus નો નવો પ્રકાર ઘણા રાજ્યોમાં ઝડપથી લોકોને ચેપ લગાવી રહ્યો છે અને તેની ઝપેટમાં લઈ રહ્યો છે. સૌથી ખરાબ સ્થિતિ કેરળમાં છે, જ્યાં કોવિડ-19ના સૌથી વધુ સક્રિય કેસ છે. નવીનતમ માહિતી અનુસાર, કેરળમાં 1679 કોરોનાવાયરસ દર્દીઓ છે, જેમની સારવાર ચાલી રહી છે. આરોગ્ય મંત્રાલયના ડેટા અનુસાર, ગુજરાતમાં કોરોનાવાયરસના 615, પશ્ચિમ બંગાળમાં 596, દિલ્હીમાં 562 અને મહારાષ્ટ્રમાં 548 સક્રિય કેસ છે.

તાત્કાલિક ડૉક્ટરનો સંપર્ક કરો

સર ગંગા રામ હોસ્પિટલના સિનિયર કન્સલ્ટન્ટ ડિપાર્ટમેન્ટ ઓફ મેડિસિન પ્રોફેસર ડૉ. એમ. વાલીએ કહ્યું છે કે કોરોનાનો નવો પ્રકાર જીવલેણ નથી, પરંતુ ઝડપથી ફેલાઈ રહ્યો છે. જો જરૂરી ન હોય તો, ઘરની બહાર ન નીકળો. પોતાને સેનિટાઇઝ કરો અને માસ્ક પહેરો. આ માટે કોઈ રસીની જરૂર નથી. જો તમને શરીરમાં દુખાવો, ખાંસી અને તાવ જેવા લક્ષણો હોય, તો ચોક્કસપણે ડૉક્ટરનો સંપર્ક કરો. ગભરાવાની જરૂર નથી. કોરોના તેનું સ્વરૂપ બદલી રહ્યો છે. ચિંતા કરવાની કોઈ વાત નથી. તે સિંગાપોર, હોંગકોંગ અને ચીનમાં વધુ છે.

જો તમે આંતરરાષ્ટ્રીય સ્તરે મુસાફરી કરી રહ્યા છો, તો સાવચેત રહેવું અને માસ્ક પહેરવું મહત્વપૂર્ણ છે. આપણે જાણીએ છીએ કે કોરોનાની સારવાર કેવી રીતે કરવી, તેથી ગભરાવાની કોઈ જરૂર નથી. કોરોના વાયરસને લઈને હાલ સ્થિતિ નિયંત્રણમાં છે, પરંતુ સ્વાસ્થ્ય અધિકારીઓએ લોકોને સતર્ક રહેવાની સાવચેચી રાખવાની અપીલ કરી છે. ભીડવાળી જગ્યાએ માસ્ક પહેરવું, વારંવાર હાથ ધોવા અન કોવિડના લક્ષણો જોવા મળે તો ટેસ્ટ કરાવવો જરૂરી છે.

આ પણ વાંચો – Trump vs Musk: મસ્ક-ટ્રમ્પ વચ્ચે યુદ્ધ!

રાજ્યો તરફથી Corona Update…

1. કેરળ: આરોગ્ય વિભાગે હોસ્પિટલોને કોવિડ-19 અને ઈન્ફલ્યુએન્ઝાના લક્ષણો ધરાવતા દર્દીઓની સારવાર કરતી વખતે જૂન 2023માં જાહેર કરાયેલ કોવિડ માર્ગદર્શિકાનું પાલન કરવાની સૂચના આપી છે. હોસ્પિટલોમાં દરેક વ્યક્તિ માટે માસ્ક પહેરવું ફરજિયાત છે. ઉપરાંત, શરદી, ઉધરસ અને તાવ જેવા લક્ષણો ધરાવતા દર્દીઓ માટે કોવિડ પરીક્ષણ ફરજિયાત બનાવવામાં આવ્યું છે.
2. મહારાષ્ટ્ર: રાજ્ય સરકારના જણાવ્યા મુજબ, જાન્યુઆરીથી રાજ્યમાં કુલ 17 લોકોના મૃત્યુ થયા છે. તેમાંથી 16 અન્ય રોગોથી પણ પીડિત હતા. આ વર્ષે અત્યાર સુધીમાં 13,707 નમૂનાઓનું પરીક્ષણ કરવામાં આવ્યું છે. જેમાંથી 1064 કોવિડ પોઝિટિવ હોવાનું જાણવા મળ્યું છે.
3. ગુજરાત: સરકારી માહિતી અનુસાર, 508 કોરોના દર્દીઓમાંથી 18 દર્દીઓ હોસ્પિટલમાં દાખલ છે, જ્યારે 490 દર્દીઓ ઘરે સારવાર લઈ રહ્યા છે. પ્રેસ રિલીઝમાં કહેવામાં આવ્યું છે કે સામાન્ય રીતે કોવિડ-19ના કેસોમાં વધારો 6 કે 8 મહિનામાં જોવા મળે છે. આ અંગે ગભરાવાની જરૂર નથી.
4. કર્ણાટક: ગુલબર્ગા ઇન્સ્ટિટ્યૂટ ઓફ મેડિકલ સાયન્સિસે 25 બેડનો કોવિડ વોર્ડ ઊભો કર્યો છે. આમાંથી પાંચ બેડ ICU (વેન્ટિલેટર સહિત), હાઇ ડિપેન્ડન્સી યુનિટ અને પાંચ સગર્ભા સ્ત્રીઓ માટે છે. બાકીના 10 સામાન્ય બેડ છે.
5. ઉત્તરાખંડ: રાજ્ય સરકારે બુધવારે માર્ગદર્શિકા જાહેર કરી અને જિલ્લા વહીવટીતંત્રને હોસ્પિટલોમાં ઓક્સિજન અને આવશ્યક દવાઓની ઉપલબ્ધતા સુનિશ્ચિત કરવા જણાવ્યું. આ ઉપરાંત ઈન્ફલ્યુએન્ઝા, ગંભીર શ્વસન ચેપ અને કોવિડ કેસ જેવા રોગોની જાણ કરવા માટે પણ સૂચનાઓ આપવામાં આવી છે.
6. સિક્કિમ: રાજ્યના આરોગ્ય મંત્રી જીટી ધુંગેલે જણાવ્યું હતું કે 29 મેથી રાજ્યમાં 526 નમૂનાઓનું પરીક્ષણ કરવામાં આવ્યું છે. તેમાંથી 15 લોકો પોઝિટિવ મળ્યા છે. આ પછી, કોવિડ પ્રોટોકોલનું પાલન કરીને, બધી હોસ્પિટલોમાં માસ્ક પહેરવા અને સેનિટાઇઝરનો ઉપયોગ ફરજિયાત બનાવવામાં આવ્યો છે.
7. હિમાચલ પ્રદેશ: રાજ્યમાં કોવિડનો પહેલો કેસ નોંધાયા બાદ, બુધવારે હોસ્પિટલમાં દરેક વ્યક્તિ માટે માસ્ક પહેરવાનું ફરજિયાત બનાવવામાં આવ્યું હતું. 3 જૂનના રોજ સિરમૌર જિલ્લાના નાહનમાં પહેલો કેસ મળી આવ્યો હતો.