Rahul Gandhi: રાયબરેલીથી કોંગ્રેસના લોકસભા સાંસદ રાહુલ ગાંધી (Rahul Gandhi) ને પુણેની કોર્ટમાંથી મોટી રાહત મળી છે. પુણેની એક વિશેષ અદાલતે શુક્રવારે રાહુલ ગાંધીને હિન્દુત્વના વિચારક વી ડી સાવરકર પર તેમની કથિત વાંધાજનક ટિપ્પણીથી સંબંધિત માનહાનિના કેસમાં જામીન આપ્યા હતા. વિડિયો કોન્ફરન્સ દ્વારા કોર્ટમાં હાજર થયા બાદ કોર્ટે લોકસભામાં વિપક્ષના નેતાને રૂ. 25,000ના બોન્ડ પર જામીન આપ્યા હતા.
25,000ના બોન્ડ પર જામીન આપ્ય
કોંગ્રેસના વરિષ્ઠ નેતા મોહન જોશી જામીન તરીકે કોર્ટમાં હાજર થયા હતા.રાહુલ ગાંધી (Rahul Gandhi) નું પ્રતિનિધિત્વ કરતા એડવોકેટ મિલિંદ પવારે જણાવ્યું હતું કે, કોર્ટે કોંગ્રેસ નેતાને તેની સમક્ષ હાજર થવામાંથી કાયમી મુક્તિ પણ આપી છે. પવારે કહ્યું કે,આ કેસની સુનાવણી હવે 18 ફેબ્રુઆરીએ થશે.આ કેસ સાવરકરના પૌત્રની ફરિયાદ પર નોંધવામાં આવ્યો હતો. માર્ચ 2023માં લંડનમાં રાહુલ ગાંધી (Rahul Gandhi) દ્વારા આપવામાં આવેલા ભાષણથી સંબંધિત છે. રાહુલ ગાંધી (Rahul Gandhi) એ તેમના ભાષણમાં સ્વતંત્રતા સેનાની પર તેમના દ્વારા લખાયેલા પુસ્તકને ટાંકીને કેટલીક ટિપ્પણીઓ કરી હતી.
રાહુલ ગાંધી ઓનલાઈન હાજર રહ્યા હતા
બીજેપી નેતા વિજય મિશ્રાએ 2018માં રાહુલ ગાંધી (Rahul Gandhi) વિરુદ્ધ MP-MLA (MP/MLA) કોર્ટમાં માનહાનિની ફરિયાદ દાખલ કરી હતી. તેમણે આરોપ લગાવ્યો હતો કે,કર્ણાટક ચૂંટણી દરમિયાન રાહુલ ગાંધી (Rahul Gandhi) એ અભદ્ર ટિપ્પણી કરી હતી જેનાથી તેમને દુઃખ થયું હતું. પાંચ વર્ષ સુધી કોર્ટમાં લાંબી પ્રક્રિયા ચાલી હતી. ડિસેમ્બર 2023માં તત્કાલિન ન્યાયાધીશે વોરંટ જારી કરીને તેમને સમન્સ પાઠવ્યું હતું. ફેબ્રુઆરી 2024ના રોજ રાહુલ ગાંધી (Rahul Gandhi) કોર્ટમાં હાજર થયા હતા.
