News in Brief
તમિલનાડુના કોઈમ્બતુર જિલ્લાની ખાનગી શાળાની ઘટના
દલિત વિદ્યાર્થિનીને માસિક ધર્મ દરમિયાન વર્ગની બહાર બેસાડી
માતાએ સમગ્ર ઘટનાનો વીડિયો રેકોર્ડ કર્યો
પોલીસે ઘટનાની તપાસ શરૂ કરી દીધી છે
Tamilnadu | તમિલનાડુના કોઈમ્બતુર (Coimbatore) જિલ્લામાં એક 13 વર્ષની દલિત (Dalit) છોકરીને માસિક ધર્મ હોવાના કારણે ખાનગી શાળાના વર્ગખંડની બહાર સીડી પર પરીક્ષા આપવાની ફરજ પાડવામાં આવી હતી. જિલ્લા શાળા શિક્ષણ વિભાગના ઉચ્ચ અધિકારીઓએ જણાવ્યું હતું કે આ ઘટનાના સંદર્ભમાં સેંગુટ્ટાઈપલયમ ગામની ઉચ્ચ માધ્યમિક શાળાના મુખ્ય શિક્ષિકાને સસ્પેન્ડ કરવામાં આવ્યા છે.
આ ઘટના બાદ આચાર્યને નિષ્કાષિત કરી દેવામાં આવ્યા છે. સ્કૂલ પરિસરની સીઢી પર પરીક્ષા આપતી વિદ્યાર્થિનીનો વીડિયો બુધવારે વાઈરલ થયા બાદ, પોલાચીના અધિક પોલીસ અધિક્ષક સૃષ્ટિ સિંહના નેતૃત્વમાં પોલીસ ટીમે આ મામલે તપાસ હાથ ધરી હતી.
વિદ્યાર્થિનીની માતા દ્વારા રેકોર્ડ કરાયેલા વીડિયોમાં બાળકી સીડી પર પરીક્ષા આપતી દેખાઈ રહી છે, વીડિયોમાં, અરુણથિયાર સમુદાયની દીકરી કહે છે કે જ્યારે તેની મહિલા ટીચરે પ્રિન્સિપાલને કહ્યું કે તે તરુણાવસ્થામાં પહોંચી ગઈ છે, ત્યારે તેને વર્ગખંડમાં પ્રવેશવાથી રોકવામાં આવી હતી. “જો કોઈને માસિક આવે છે, તો શું તેનો અર્થ એ છે કે તે વર્ગમાં બેસીને પરીક્ષા આપી શકતો નથી?” પાછળ તેની માતા પૂછતી સંભળાય છે. “શું તેમણે રસ્તા પર બેસીને પરીક્ષા આપવી જોઈએ?”
શાળા મેનેજમેન્ટે તપાસ પૂર્ણ થાય ત્યાં સુધી મુખ્ય શિક્ષિકાને સસ્પેન્ડ કરી દીધી છે. શિક્ષણ વિભાગ અને પોલીસ દ્વારા કરવામાં આવેલી પ્રાથમિક તપાસમાં જાણવા મળ્યું છે કે છોકરીની માતાએ
તેનો પહેલો માસિક સ્રાવ હોવાથી પરીક્ષા આપવા માટે અલગ વ્યવસ્થા કરવાની વિનંતી કરી હતી.
એક વરિષ્ઠ પોલીસ અધિકારીએ જણાવ્યું હતું કે, “પ્રારંભિક તપાસમાં જાણવા મળ્યું છે કે છોકરીની માતાને આ વ્યવસ્થાની જાણ હતી. ધોરણ 8માં અભ્યાસ કરતી છોકરીને 5 એપ્રિલે માસિક સ્રાવ શરૂ થયો હતો. 7 એપ્રિલે વિજ્ઞાનની પરીક્ષા અને 9 એપ્રિલે સામાજિક વિજ્ઞાનની પરીક્ષા માટે તેને સીડી પર બેસવું પડ્યું હતું.”
“જ્યારે શાળા કહે છે કે માતાની પસંદગીના આધારે નિર્ણય લેવામાં આવ્યો હતો, ત્યારે માતા તેની પુત્રીને ડેસ્ક વિના પરીક્ષા આપતી જોઈને નારાજ થઈ હતી.
