Champions Trophy: 2000 પછી આ પહેલી વાર છે જ્યારે ભારત અને ન્યૂઝીલેન્ડ ચેમ્પિયન્સ ટ્રોફી (Champions Trophy) ની ફાઇનલમાં એકબીજા સામે ટકરાઇ રહ્યા છે. બંને વચ્ચે 9 માર્ચે દુબઈ ઈન્ટરનેશનલ ક્રિકેટ સ્ટેડિયમ ખાતે ટાઇટલ મેચ રમાશે. નોંધનીય છે કે જ્યારે બંને ટીમો છેલ્લે ચેમ્પિયન્સ ટ્રોફી (Champions Trophy) માં એકબીજા સામે ટકરાઈ હતી, ત્યારે કિવી ટીમે ટીમ ઈન્ડિયાને હરાવીને ટાઇટલ જીત્યું હતું.ચેમ્પિયન્સ ટ્રોફી (Champions Trophy) 2025ની સેમિફાઇનલમાં ટીમ ઇન્ડિયાએ ઓસ્ટ્રેલિયાને હરાવ્યું હતું જ્યારે ન્યૂઝીલેન્ડે દક્ષિણ આફ્રિકાને હરાવીને ફાઇનલમાં પ્રવેશ કર્યો હતો. આ ટુર્નામેન્ટમાં ભારત અને ન્યૂઝીલેન્ડ એક જ ગ્રુપમાં હતા. ગ્રુપ સ્ટેજ મેચમાં ટીમ ઈન્ડિયાએ ન્યૂઝીલેન્ડને 44 રનથી હરાવ્યું હતું
ન્યૂઝીલેન્ડે દક્ષિણ આફ્રિકાને હરાવીને ફાઇનલમાં પ્રવેશ કર્યો
ચેમ્પિયન્સ ટ્રોફી (Champions Trophy) ની બીજી સીઝન 2000માં કેન્યામાં યોજાઈ હતી, જે ન્યૂઝીલેન્ડે જીતી હતી. કિવી ટીમ ફાઇનલમાં ભારતને હરાવીને ચેમ્પિયન (Champions Trophy) બની હતી. અહીં ભારતીય ટીમના કેપ્ટન સૌરવ ગાંગુલી હતા અને પ્લેઇંગ 11 માં સચિન તેંડુલકર, યુવરાજ સિંહ, રાહુલ દ્રવિડ, અજિત અગરકર, અનિલ કુંબલે, ઝહીર ખાન જેવા મોટા ખેલાડીઓ હતા.
25 વર્ષ અગાઉ ટીમ ઈન્ડીયા ન્યૂઝીલેન્ડ સામે રમી હતી
ચેમ્પિયન્સ ટ્રોફી (Champions Trophy) ની ફાઇનલમાં ભારતે પ્રથમ બેટિંગ કરીને 264 રન બનાવ્યા. કેપ્ટન ગાંગુલીએ 117 રનની શાનદાર ઇનિંગ રમી હતી. સચિન તેંડુલકરે 69 રન ફટકાર્યા હતા અને બંનેએ પ્રથમ વિકેટ માટે 141 રનની ભાગીદારી કરી હતી. જોકે, આ પછી અન્ય બેટ્સમેનો મોટી ઇનિંગ્સ રમી શક્યા નહીં. લક્ષ્યનો પીછો કરતી વખતે ક્રિસ કેર્ન્સે 102 રનની મેચ-વિનિંગ ઇનિંગ રમી હતી. ન્યૂઝીલેન્ડે 2 બોલ બાકી રહેતા લક્ષ્ય હાંસલ કર્યું અને 4 વિકેટે જીત મેળવી હતી. ટીમ ઈન્ડિયાને રનર-અપ રહીને સંતોષ માનવો પડ્યો હતો.
