Bihar News: બિહારના બેતિયા જિલ્લામાં ડીઈઓ એટલે કે જિલ્લા શિક્ષણ અધિકારીને ત્યાં ચલણી નોટોનો ઢગલો પકડાયો છે. વિઝિલન્સની ટીમે (vigilance raid) ગુરુવારે દરોડા પાડ્યા તો તેમના ઘરેથી મોટાપાયે રોકડ પકડાઈ હતી. આ રકમ એટલી વધારે હતી કે આખું બેડ ભરાઈ ગયું હતો, અને નોટોની ગણતરી કરવા માટે મશીન મગાવવા પડ્યા હતા. પટનાથી આવેલી વિજિલન્સ ટીમે (vigilance raid) સવારથી જ જિલ્લા શિક્ષણાધિકારી રજનીકાંત પ્રવીણના ભાડાના મકાન પર દરોડા પાડ્યા છે. તે શિક્ષણ અધિકારી રજનીકાંત પ્રવીણની પણ પૂછપરછ કરી રહી છે. દરોડા દરમિયાન મોટી માત્રામાં રોકડ મળી આવી હતી.
કરોડો રૂપિયા મળી આવ્યા
મળતી માહિતી મુજબ વિજિલન્સ ટીમે (vigilance raid) શિક્ષણ અધિકારી રજનીકાંત પ્રવીણના ઘરે સ્થાનિક પોલીસ પાસેથી નોટ કાઉન્ટિંગ મશીન મંગાવ્યું છે. સવારથી જ ડીઈઓના ઘરે વિજીલન્સના દરોડા ચાલુ છે. બેતિયા જિલ્લા શિક્ષણાધિકારી પર ગેરકાયદેસર રીતે મિલકત હસ્તગત કરવાની ફરિયાદનો આરોપ છે. આ કેસમાં વિજિલન્સ ટીમે (vigilance raid) દરોડો પાડ્યો છે. જિલ્લા શિક્ષણાધિકારી રજનીકાંત પ્રવીણ લગભગ 3 વર્ષથી જિલ્લામાં DEO તરીકે તૈનાત છે.
DEOના ઘરે પૈસાનો ઢગલો
ડીઈઓ રજનીકાંત ઉપરાંત તેમની પત્ની સુષ્મા વિશે પણ આવી જ માહિતી મળી છે, જે દર્શાવે છે કે તે પણ એક ખેલાડી છે. પત્ની સુષ્મા તિરુટ એકેડેમી પ્લસ ટુ સ્કૂલમાં શિક્ષિકા છે. પરંતુ તેમણે ત્યાંથી શૈક્ષણિક રજા લીધી અને દરભંગામાં એક મોટી ખાનગી શાળા ચલાવે છે. વિઝિલન્સના સૂત્રોનું કહેવું છે કે રજનીકાંત અને તેમના પરિવાર પાસે પટના, દરભંગા, મધુબની અને મુઝફ્ફરપુરમાં મિલકતો હોવાની જાણ થઈ છે. આ કારણે, વિઝિલન્સ ટીમ ઘણા જિલ્લાઓમાં દરોડા પાડી રહી છે.
પૈસા ગણવા મશીન મંગાવવું પડ્યું
રજનીકાંત પ્રવીણ મુફાસિલ પોલીસ સ્ટેશન વિસ્તારમાં સ્થિત બસંત બિહાર વિસ્તારમાં ભાડાના મકાનમાં રહે છે.મળતી માહિતી અનુસાર કરોડોની રોકડ પણ મળી આવી છે. ઘરની અંદર પોલીસ ફોર્સ તૈનાત છે. પોલીસ અને વિજિલન્સ ટીમ શિક્ષણાધિકારી રજનીકાંત પ્રવીણના અનેક સ્થળો પર દરોડા પાડી રહી છે. બેતિયા સિવાય અન્ય સ્થળોએ પાડવામાં આવેલા દરોડામાં શું મળ્યું છે તેની માહિતી હજુ સુધી સામે આવી નથી.
