Bhavnagar : ભાવનગરમાં વિકૃતિની હદ વટાવતી અને કંપારી છોડાવી દે તેવી ઘટના સામે આવી છે. ગઈકાલે ભાવનગરના (Bhavnagar) મહિલા કોલેજ વિસ્તારમાંથી પરિણીતાને તેના ઘરેથી માતા-પિતાને મળવાના બહાને બોલાવી ચાર શખ્સ દ્વારા કારમાં અપહરણ કરી એક ખંડેર મકાનમાં લઈ ગયા હતા જ્યાં પરિણીતા ઉપર છરીની અણીએ પાશવી દુષ્કર્મ ગુજાર્યુ હતું . નરાધમોએ પરિણીતાના હાથમાં રહેલા બાળકને છીંનવી તેને રેતીના ઢગલામાં ઘા કર્યુ હતું ન અટકી પરિણીતાના પ્રાઈવેટ પાર્ટમાં મરચુ નાખી દઈ ક્રુરતાની હદ વટાવી હતી .
(Bhavnagar) શહેરના મહિલા કોલેજ પાસે કૃષ્ણનગરમાં રહેતી 25 વર્ષ મહિલાએ ઘોઘારોડ પોલીસ મથકમાં મનસુખ મકવાણા, મુકેશ મકવાણા, પીન્ટુ મકવાણા અને એક અજાણ્યા શખ્સ સામે ફરિયાદ નોંધાવી જણાવ્યુ હતું કે તેઓને અગાઉ દિપક લાઠીયા નામના શખ્સ સાથે પ્રેમ સંબંધ હતો પરંતુ ત્યારબાદ સમજુતી કરી છુટા પડી ગયા હતા.
દિપકના સાળા મનસુખ, મુકેશ અને પિન્ટુને શક હતો કે હજુ પીડિત મહિલા અને દીપકને પ્રેમ સંબંધ છે, આથી ગત રાત્રીના 8.00 કલાકના અરસા દરમિયાન તેના ઘરે એક અજાણ્યા માણસને મોકલી તેના મમ્મી પપ્પા તેને મળવા માટે બોલાવે છે. તેમ કહી ખોટા બહાને તેઓને ઘરની બહાર બોલાવી ઉક્ત તમામ શખસોએ તેણીનું કારમાં અપહરણ કરી એરપોર્ટ રોડ ઉપર અવાવરુ જગ્યામાં આવેલા મકાનમાં લઈ જઈ રૂમમાં તેને પુરી રાખી, ગોંધી રાખી મનસુખ મકવાણા અને મુકેશ મકવાણાએ સાવરણી વડે માર મારી મનસુખે તેની પાસે રહેલા તેના દિકરાને આંચકી રેતીના ઢગલામાં ઘા કરી ઈજા પહોંચાડી હતી.
આ દરમિયાન મનસુખે તેના ગળાના ભાગે છરી રાખી તેને તેમજ તેના દિકરાને મારી નાખવાની ધમકી આપી તેની સાથે બળજબરી કરી જાતીય દુષ્કર્મ આચર્યુ હતું. તે વેળાએ મુકેશ અને પિન્ટુએ તેણીને પકડી રાખી મદદગારી કરી હતી. જયારે મનસુખે તેના પ્રાઈવેટ પાર્ટમાં મરચુ નાંખી દઈ શારિરીક નુકસાન પહોંચાડી મોડી રાત્રીના 2 વાગ્યાના અરસામાં તેને મુક્ત કરી હતી.
ઘોઘારોડ પોલીસે મનસુખ મકવાણા, મુકેશ મકવાણા, પિન્ટુ મકવાણા અને એક અજાણ્યા શખ્સ સામે બીએનએસ એક્ટ 64(1),64(2),(L), 137(2), 127(2), 115(2), 352, 351(3), તેમજ GP એક્ટ 135 મુજબ ગુનો દાખલ કરી કાર્યવાહી હાથ ધરી શખ્સોને ઝડપી પકડી પાડવા ચક્રગતિમાન કર્યા છે
