Banaskatha: બનાસકાંઠાના સાંસદ ગેનીબેન ઠાકોર (Geniben Thakor) જનતા માટે અનેક વાર સાવલ ઉઠાવતા હોય છે. ત્યારે હવે ફરીથી બનાસકાંઠા (Banaskatha) જિલ્લાના નાગરિકો માટે ગેનીબેન ઠાકોર (Geniben Thakor) કેન્દ્રીય મંત્રી નીતિન ગડકરી (Nitin Gadkari) ને મળી પાલનપુર નેશનલ હાઇવે નંબર 27 એરોમા સર્કલ ઉપર થી બિહારી બાગ સુધી એલેવેટેડ ઓવર બ્રિજ અથવા અંડર પાસ બને તે માટે રજૂઆત કરી હતી. આ તમામ વિગતો આપતા નીતિન ગડકરી (Nitin Gadkari) એ તાત્કાલિક નાગરિકોને પડતી મુશ્કેલીનું નિવારણ આવે તે માટે હાજર નેશનલ હાઇવે ઓથોરિટીના સ્ટાફ સાથે વાત કરી તરત આ કામ આગળ વધારવા માટે સૂચના આપી હતી.
પત્રમાં આ ઉલ્લેખ કર્યો
રાષ્ટ્રીય ધોરીમાર્ગ પાલનપુર શહેરની મધ્યમાંથી પસાર થાય છે. અને તમામ રાષ્ટ્રીય ધોરીમાર્ગ વાહનો આ અત્યંત વ્યસ્ત હાઇવેનો ઉપયોગ કરે છે. પાલનપુર-અમદાવાદ હાઇવે, પાલનપુર-ડીસા હાઇવે, પાલનપુર-આબુ રોડ હાઇવે અને આબુ રોડથી પાલનપુર તરફ જતા અને જતા તમામ વાહનો આ જંકશન પરથી પસાર થાય છે. વધુમાં, કોલેજો, શાળાઓ, કોમર્શિયલ કોમ્પ્લેક્સ, રહેણાંક સોસાયટીઓ, સ્થાનિક ટ્રાફિક પણ NH-27 ની બંને બાજુએ જંકશનથી આબુ રોડ સુધીના આ રાષ્ટ્રીય ધોરીમાર્ગનો ઉપયોગ કરે છે. આવી સ્થિતિમાં પાલનપુર શહેરમાંથી પસાર થતા આ હાઇવે પર સતત ટ્રાફિક જામની સમસ્યા સર્જાય છે જેના કારણે પાલનપુર શહેરના વાહનચાલકો તેમજ આ હાઇવેનો ઉપયોગ કરતા વાહન ચાલકોને દરરોજ ટ્રાફિક જામની સમસ્યાનો સામનો કરવો પડે છે.
