United States : અમેરિકા (America) ના પ્રેસિડન્ટ ડોનાલ્ડ ટ્રમ્પના દિમાગમાં અનેક પ્રકારના ખુરાફાતી વિચારો હંમેશા ચાલતા રહે છે. ગ્રીનલેન્ડ ખરીદી લેવાની વાત હોય કે પછી કેનેડાને યુએસનો 51 મો સ્ટેટ બનાવી દેવાનો મુદ્દો ટ્રમ્પ હંમેશા પોતાના વિચારોને પહેલા મજાકના સ્વરૂપે રજૂ કરે છે અને પછી તેના પર સિરીયસ થઈ જાય છે. વર્ષ 2017 થી 21 દરમિયાન અમેરિકા (America) ના પ્રેસિડન્ટ રહ્યા બાદ ઇલેક્શન હારી ગયેલા અને 2025 માં ફરી પ્રેસિડન્ટ બનારા ડોનાલ્ડ ટ્રમ્પ ભલે હાલ 78 વર્ષના થઈ ગયા હોય પરંતુ પોતાની ટર્મ પૂરી થયા બાદ પણ તેઓ કંઈક એવું કરવાના મૂડમાં છે. જે હાલની સ્થિતિમાં ટેકનિકલી અશક્ય છે.
ટ્રમ્પ અમેરિકાના કાયદામાં સુધારો લાવશે
ટ્રમ્પે પહેલા પણ પોતાના આ વિચારને મજાકના નામે જ રજૂ કર્યો હતો. પરંતુ હવે તેમનું એવું કહેવું છે કે પોતે મજાક નથી કરી રહ્યા અમેરિકા (America) ના બંધારણની જોગવાઈ અનુસાર દેશના કોઈપણ પ્રેસિડન્ટ બે ટર્મથી વધુ શાસન નથી કરી શકતા. પરંતુ ડોનાલ્ડ ટ્રમ્પ ત્રીજી ટર્મ માટે ઘણા જ ઉત્સુક છે. રવિવારે મેડ ધી પ્રેસમાં NBC ન્યુઝ સાથે વાત કરતા ટ્રમ્પ એવું કહ્યું હતું કે થર્ડ ટર્મની શક્યતા પોતે નકારી નથી રહ્યા અને કોન્સ્ટીટ્યુશનમાં બે ટર્મની મર્યાદાની જે જોગવાઈ છે તેમાંથી રસ્તો શોધવાની કેટલીક મેથડ્સ ઉપલબ્ધ છે આ ઇન્ટરવ્યુમાં ટ્રમ્પે એવો પણ દાવો કર્યો હતો કે અમેરિકન્સ તેમને ત્રીજી વાર દેશના પ્રેસિડન્ટ બનતા જોવા માંગે છે અને પોતે તેના પર વિચાર કરી શકે છે. તેવી વાત કરતા ટ્રમ્પે મામલો બેલેન્સ રાખવા એવું પણ કહ્યું હતું કે પોતે હાલ વર્તમાન પર જ વધારે ફોકસ કરી રહ્યા છે.
ટ્રમ્પ ના નિવેદન બાદ વાઈટ હાઉસ બચાવવા આવ્યું
અમેરિકા (America) ના કોન્સ્ટીટ્યુશનના 22 માં અમેન્ટ અનુસાર કોઈ પણ પ્રેસિડન્ટ ત્રીજીવાર ઇલેક્શન નથી લડી શકતા. ટ્રમ્પે આપેલા ઇન્ટરવ્યુની ટ્રાન્સ્ક્રિપ્ટ રિલીઝ થયા બાદ વાઈટ હાઉસ આ અંગે ચોખવટ કરતા એવું જણાવ્યું હતું કે પ્રેસિડન્ટ પોતાની હાલની ટર્મ પર જ ધ્યાન આપી રહ્યા છે અને 2028 અંગે અત્યારથી જ વાત કરવું ખૂબ જ વહેલું ગણાશે વાઈટ હાઉસના કોમ્યુનિકેશન ડિરેક્ટર સ્ટીવન ચેંગે પોતાના સ્ટેટમેન્ટમાં આ મામલે એવું જણાવ્યું હતું કે અમેરિકનસે પ્રેસિડન્ટ ટ્રમ્પ અને તેમની અમેરિકા (America) ફર્સ્ટ પોલિસીને સપોર્ટ કર્યો છે અને બાઈડન એડમિનિસ્ટ્રેશનની પોલિસીસથી યુએસને જે નુકસાન થયું છે તેની ભરપાઈ કરી પ્રેસિડન્ટ ટ્રમ્પ અમેરિકા (America) ને ફરી મહાન બનાવી રહ્યા છે. વાઈટ હાઉસ ભલે ટ્રમ્પની ત્રીજી વાર પ્રેસિડન્ટ બનવાની ઈચ્છાનો બચાવ કરવા માટે સરકારી ભાષામાં જવાબ આપી રહ્યું હોય પરંતુ હકીકત એ છે કે ઇલેક્શન કેમ્પેન દરમિયાન ટ્રમ્પે અનેકવાર ત્રીજી ટર્મની વાત કરી હતી અને ત્યારે તેઓ મજાકના ટોનમાં આ મુદ્દો ઉછાળતા હતા. પોતાના એક ભાષણમાં તો તેમણે ત્યાં સુધી કહ્યું હતું કે પોતે જો પ્રેસિડન્ટ બની જશે તો અમેરિકન્સને ફરી વોટ આપવા જવાની જરૂર જ નથી પડવાની. જાન્યુઆરી 20 ના રોજ તેમણે શપથ ગ્રહણ કર્યા તેના ત્રીજા જ દિવસે ટેનેસીએ ટ્રમ્પ ત્રીજીવાર ઇલેક્શન લડી શકે તે માટે બંધારણમાં સુધારો કરવાનો પ્રસ્તાવ રજૂ કર્યો હતો.
અમેરિકાની ચૂંટણીમાં ટ્રમ્પએ કયા કયા વાયદાઓ કર્યા હતા
ટ્રમ્પે પ્રેસિડન્ટ બનતા પહેલા અને પ્રેસિડન્ટ બન્યા બાદ કેનેડાને યુએસમાં ભેળવી દેવાની, ગ્રીનલેન્ડ ખરીદી લેવાની, પનાવા કેનાલનો કબજો પોતાને હસ્તક લઈ લેવાની, બર્થ રાઈટ સિટીઝનશિપ સમાપ્ત કરી દેવાની, તેમજ માસ ડિપોર્ટેશનની ખૂબ જ મોટી મોટી વાતો કરી હતી. જેમાં થર્ડ ટર્મ પણ એક મહત્વનો મુદ્દો રહ્યો હતો. જો કે પ્રેસિડન્ટ બન્યા પછી ટ્રમ્પ જે તે દેશો ઉપર ટેરીફ નાખવા સિવાય બીજું કઈ ખાસ નથી કરી શક્યા. અમેરિકાનું બંધારણ જેની પરવાનગી નથી આપતું તેવું એકે કામ ટ્રમ્પે સાઈન કરેલા એક્ઝીક્યુટિવ ઓર્ડરથી નથી થઈ શક્યું. માસ ડિપોટેશન માટે એલિયન એનિમલ્સ એક્ટનો ઉપયોગ કરવા બદલ તો તેમની સરકારને કોર્ટે ઝટકાવી પણ હતી. તેવામાં 2028 માં ફરી ઇલેક્શન લડવાની તેમની ઈચ્છા અથવા સપનું પૂરું થશે કે કેમ તે પણ હાલ તો એક મોટો સવાલ છે.
અમેરિકાના બંધારણમાં સુધારો કરવા માટે ડોનાલ્ડ ટ્રમ્પએ શું કરવું પડશે
ડોનાલ્ડ ટ્રમ્પને અમેરિકાના બંધારણમાં સુધારો કરવો પડે અને આ કોઈ ખાવાના ખેલ નથી. યુએસના કોન્સ્ટીટ્યુશનમાં કોઈપણ સુધારો કરવા માટેની દરખાસ્તને કોંગ્રેસમાં ટુ થર્ડ વોટ મળવા જરૂરી છે. ત્યારબાદ 75% રાજ્યો પણ તેના પર મંજૂરીની મોર મારે ત્યારે જઈને બંધારણમાં કોઈ સુધારો વધારો થઈ શકે છે. NBC ન્યુઝને આપેલા ઇન્ટરવ્યુમાં ટ્રમ્પને થર્ડ ટર્મ માટે ચૂંટણી લડવા અંગે તેઓ અત્યાર સુધી જે મજાક કરી રહ્યા હતા. તે અંગે એક સવાલ પૂછાયો હતો જેના જવાબમાં ટ્રમ્પે તુરંત જ એવું કહ્યું હતું કે પોતે આ અંગે સિરીયસ છે. આ ઇન્ટરવ્યુ લેનારા મહિલા પત્રકાર ક્રિસ્ટેન વેલકરે એવી પણ વાત કરી હતી કે શું 2028 ના ઇલેક્શનમાં હાલના વાઈસ પ્રેસિડન્ટ જેડી વેન્સને આગળ કરી રિઝલ્ટ આવ્યા બાદ ટ્રમ્પ ફરી પ્રેસિડન્ટ બની શકે તેના જવાબમાં ટ્રમ્પ એવું કહ્યું હતું કે આમ કરવું પણ શક્ય છે. જો કે અમેરિકાના કોન્સ્ટીટ્યુશનના 12માં સુધારામાં એવું સ્પષ્ટ જણાવાયું છે કે જે વ્યક્તિ પ્રેસિડન્ટ બનવાને પાત્ર ના હોય તે વાઈસ પ્રેસિડન્ટ પણ ના બની શકે ડોનાલ્ડ ટ્રમ્પ કોર્ટસ અને જજીસને પણ ખાસ નથી ગણકાડતા અને પોતાની પોલિસીને અનુરૂપ ના હોય તેવા જજોની તો તેઓ જાટકણી પણ કાઢતા રહે છે. કોન્સ્ટીટ્યુશનની ઉપરવ જઈને તેમણે બર્થ રાઈટ સિટીઝનશિપને ખતમ કરી દેવાનો પણ પ્રયાસ કર્યો હતો પરંતુ તેઓ ફાવી નહોતા શક્યા તેવામાં ત્રીજીવાર પ્રેસિડન્ટ બનવા માંગતા ટ્રમ્પ શું કરવાના છે તે જોવું પણ રસપ્રદ બની રહેશે.
