Amreli News: સાવરકુંડલા શહેરમાં ગટરની સમસ્યાથી લોકો પરેશાન થયા છે. અનેક જગ્યાએ રેહણાંક વિસ્તારમાં ગટરના પાણી વર્ષોથી ખુલ્લામાં વહી રહ્યા છે. શહેરના મધ્યમાંથી પસાર થતી નાવલી નદીમાં ગટરના પાણી સતત ચાલી રહ્યા છે. સાવરકુંડલા (Savarkundla) અમરેલી રોડ ઉપર તો ગટરની કુંડીઓ ઉપર ઢાંકણા નથી. વોર્ડ નંબર ત્રણમાં ગટરની સમસ્યા અને પીવાના પાણીના પ્રશ્ને સ્થાનિકોમાં રોષ જોવા મળી રહ્યો છે.
નાવલી નદીમાં શહેરનું ગટરનું દૂષિત પાણી સતત વહી રહ્યું છે
સાવરકુંડલા (Savarkundla) નગરપાલિકા વિસ્તારમાં અનેક જગ્યાએ ગટરના પાણી કાયમી માટે ખુલ્લામાં વહેતા રહે છે. આ કારણે સ્થાનિકોમાં રોષ જોવા મળી રહ્યા છે. શહેરના મધ્યમાંથી નીકળતી નાવલી નદીમાં શહેરનું ગટરનું દૂષિત પાણી સતત વહી રહ્યું છે. સાવરકુંડલા (Savarkundla) થી અમરેલી સ્ટેટ હાઇવે પર ગટરની કુંડીઓ ઉપર ઢાંકણા જ નથી. ખુલ્લી ગટરો ઘણા સમયથી છે. રાત્રિ દરમિયાન અનેક વખત ખુલી ગટરની કૂંડીના કારણે અકસ્માતો સર્જાય છે. તંત્ર દ્વારા તાત્કાલિક ખુલી કુંડીઓનું નિરાકરણ લાવવું જોઈએ તેવી વાહન ચાલક અને સ્થાનિક લોકોની માંગ છે.
મસમોટી ગટર આ રહેણાંક વિસ્તાર માંથી પસાર થાય છે
સાવરકુંડલા (Savarkundla) ના વોર્ડ નંબર ત્રણમાં વર્ષોથી ગટરના પાણી રહેણાંક મકાન વિસ્તારમાંથી પસાર થાય છે. અનેક વાર રજૂઆતો કરવામાં આવી છે તેમ છતાં ગટરના પ્રશ્નનું નિરાકરણ કરવામાં આવતું નથી. જોકે સાવરકુંડલા (Savarkundla) નગરપાલિકા વોર્ડ નંબર ત્રણની એક બેઠક માટેની પેટા ચૂંટણી છે ત્યારે કોંગ્રેસ ભાજપ બંને પક્ષના લોકો મતદારો પાસે મત માંગવા આવી રહ્યા છે પરંતુ આ વિસ્તારની સમસ્યાનું નિરાકરણ નથી આવતું. મસમોટી ગટર આ રહેણાંક વિસ્તાર માંથી પસાર થાય છે.
