America News: ડોનાલ્ડ ટ્રમ્પ (donald trump) ના અમેરિકા પરત ફર્યા બાદ ત્યાં ગેરકાયદેસર રીતે રહેતા લોકો સામે કાર્યવાહી શરૂ થઈ ગઈ છે. અમેરિકા (America ) એ ભારતમાંથી આવા 104 લોકોને ડિપોર્ટ કર્યા છે. આ એ લોકો છે જે અમેરિકા (America ) માં ગેરકાયદેસર રીતે રહેતા હતા. દેશનિકાલ કરાયેલા ભારતીયોમાં 30 પંજાબીઓનો સમાવેશ થાય છે. જેમાંથી 4 જાલંધરના રહેવાસી છે. આમાં જલંધર ગામના સાલારપુરના રહેવાસી જસકરણ સિંહનો પણ સમાવેશ થાય છે.
અમેરિકાએ ભારતીયોને 104 લોકોને ડિપોર્ટ કર્યા
મીડિયા સાથે વાત કરતા જસકરણના પિતા જોગા સિંહે જણાવ્યું કે તેમનો પુત્ર 6 મહિના પહેલા વિદેશ ગયો હતો. જ્યાં તે 2 મહિના સુધી દુબઈમાં રહ્યો હતો. ત્યારબાદ તે 25 જાન્યુઆરીએ મેક્સિકોમાં દાખલ થયો. આ દરમિયાન પોલીસે તેને ત્યાંથી કસ્ટડીમાં લીધો હતો. પિતાએ જણાવ્યું કે તે ઘણી મુશ્કેલીઓનો સામનો કરીને અમેરિકા પહોંચ્યો હતો. છોકરાને મોકલવા 45 લાખ રૂપિયાની લોન લીધી હતી.
છોકરાને અમેરિકા મોકલવા 45 લાખ રૂપિયાની લોન લીધી
પરિવારનું કહેવું છે કે હવે તેમના પુત્રના પરત આવવાથી તેમના તમામ સપના અધૂરા રહી ગયા છે. ઘરમાં 4 છોકરીઓ છે. પરિવારનું ગુજરાન ચલાવવું મુશ્કેલ બન્યું છે.આ પરીવારે સરકારને આર્થિક મદદ કરવા અપીલ કરી છે.અમેરીકા (America ) થી પરત આવેલા જસકરણ સિંહના પતિએ જણાવ્યું કે જસકરણ મોડી રાત્રે ઘરે પહોંચ્યો અને ત્યાં તેને જે સમસ્યાઓનો સામનો કરવો પડી રહ્યો હતો. તેમણે વધુમાં કહ્યું એજન્ટ દુબઈમાં રહે છે અને તેના પુત્રને ફસાવીને તેની સાથે છેતરપિંડી કરી છે. અમેરિકા (America ) થી તડીપાર થયા બાદ જસકરણસિંહ આજે સવારે કોઈ કામ અર્થે શહેરમાં ગયો હતો.
વિપક્ષી નેતાઓએ સરકાર સામે વિરોધ કર્યો
વિપક્ષના સાંસદોએ એક થઈને સંસદ ભવન બહાર પ્રદર્શન કર્યું હતું. કોંગ્રેસના નેતા કેસી વેણુગોપાલ, રાહુલ ગાંધી, મલ્લિકાર્જુન ખડગે અને શશિ થરૂર સહિત અનેક વિપક્ષી નેતાઓએ સરકાર સામે વિરોધ દર્શાવ્યો હતો. આ પ્રદર્શનથી દેશનિકાલનો મુદ્દો વધુ ગરમાયો છે. વિપક્ષનું કહેવું છે કે ભારતીય નાગરિકોને દેશનિકાલ કરવો એ માનવાધિકારનું ઉલ્લંઘન છે અને સરકારે આ અંગે કડક કાર્યવાહી કરવી જોઈએ.
