Surat News: હાલમાં રાજ્યમાં પોલીસ ભરતીની માટે શારીરિક પરીક્ષા ચાલી રહી છે. ત્યારે સુરતમાં પોલીસ ભરતી (Police recruitment) દરમિયાન કરૂણાજનક ઘટના બની છે. 5 કિલોમીટરની દોડ લગાવી રહેલો યુવકને અચાનક હાર્ટ એટેક આવતાં ઢળી પડતાં તેને હોસ્પિટલ ખસેડવામાં આવ્યો હતો. જ્યાં હાજર ડૉક્ટરોની ટીમે તેને મૃત જાહેર કર્યો છે. મળતી માહિતી અનુસાર યુવક વાલિયા SRP દળ જૂથ-10માં પોલીસ કોન્સ્ટેબલ તરીકે ફરજ બજાવતો હતો.
રનીંગ કરતા સમયે આવ્યો હાર્ટ એટેક
મળતી માહિતી અનુસાર સુરતના વાવ ખાતે આજે સવારે એક કરુણ ઘટના બની હતી. પોલીસ સબ ઈન્સપેક્ટર અને લોકરક્ષક કેડરની ભરતી પરીક્ષા (Police recruitment) દરમિયાન દોડ લગાવી રહેલા એક ઉમેદવારનું હાર્ટ એટેકથી મૃત્યુ થયું છે. વાલીયા SRP દળ જૂથ-10માં પોલીસ કોન્સ્ટેબલ તરીકે ફરજ બજાવતા સંજયકુમાર રસીકભાઈ ગામીત PSIની ભરતી પરીક્ષામાં હાજર રહ્યા થયા હતા. સવારે વહેલા 4:45 વાગે પ્રથમ બેચમાં 5 કિલોમીટર દોડ શરૂ કરવામાં આવી હતી. આ દરમિયાન યુવક બેભાન થઇને ઢળી પડતાં ફરજ પરના ડોક્ટરે તેને પ્રાથમિક સારવાર આપી હતી.
ફરજ પરના ડોક્ટરે તેને પ્રાથમિક સારવાર આપી હતી
ડૉકટરને તેની હાલત ખુબ જ ખરાબ જણાતા તેમને 108 એમ્બ્યુલન્સ મારફતે હોસ્પિટલ ખસેડવામાં આવ્યા હતો.ત્યા હાજર ડૉક્ટરોની ટીમે તેને મૃત જાહેર કર્યો હતો. સંજયકુમાર ગામી મૂળ તાપીના ચીખલવાવ ગામનો વતની છે. આ ઘટનાની જાણ પરિવારજનો કરવામાં આવી છે. પોલીસ ભરતીની પ્રક્રિયા આ કરૂણ બનાવ સર્જાતા પોલીસ બેડામાં શોકનું મોજું ફરી વળ્યું છે. તમને જણાવી દઈએ કે રાજ્યમાં 8 તારીખથી પોલીસ સબ ઈન્સપેક્ટર અને લોકરક્ષક કેડરની ભરતમાં દોડની પરીક્ષા ચાલી રહી છે.
