Maha kumbh 2025: સંગમ શહેર પ્રયાગરાજમાં 13 જાન્યુઆરીથી મહાકુંભ 2025નો પ્રારંભ થયો છે. આ ધાર્મિક પ્રસંગ અત્યાર સુધીનો સૌથી ભવ્ય પ્રસંગ સાબિત થશે. જેમાં દેશ-વિદેશના લાખો શ્રદ્ધાળુઓ ભાગ લઈ રહ્યા છે. મહાકુંભ (Maha kumbh) ના આ પ્રસંગને લઈને દેશભરમાં ઉત્સાહનો માહોલ છે અને દરેક લોકો આ ધાર્મિક મેળામાં ભાગ લેવા આકર્ષાઈ રહ્યા છે.
ધાર્મિક મેળામાં ભાગ લેવા આકર્ષાઈ રહ્યા છે
મહાકુંભ (Maha kumbh) ના પ્રારંભે વિદેશી શ્રદ્ધાળુઓ પણ મોટી સંખ્યામાં સંગમ શહેર પ્રયાગરાજ પહોંચ્યા છે. સોમવારે (13 જાન્યુઆરી) પોષ પૂર્ણિમાના અવસરે, બ્રાઝિલની એક વિદેશી મહિલા ભક્તે સંગમમાં ડૂબકી લગાવી અને અહીંના અનુભવને અદ્ભુત ગણાવ્યો હતો. તેમણે કહ્યું ભારત એક આધ્યાત્મિક કેન્દ્ર છે, ગંગાનું પાણી એકદમ ઠંડુ છે, પરંતુ હૃદય હૂંફથી ભરેલું છે. મુક્તિની શોધમાં પ્રથમ વખત ભારત આવી છે અને સતત યોગ કરે છે.
ત્રિવેણી સંગમમાં પવિત્ર સ્નાન કર્યા
સ્પેનના એક વિદેશી ભક્તે ત્રિવેણી સંગમમાં પવિત્ર સ્નાન કર્યા બાદ તેને ભાગ્યશાળી અનુભવ ગણાવ્યો હતો. દક્ષિણ આફ્રિકાના એક ભક્તે જણાવ્યું કે અહીંનું વાતાવરણ ખૂબ જ સુંદર છે અને લોકો ખુશખુશાલ અને મૈત્રીપૂર્ણ છે. આ બધું દર્શાવે છે કે, મહાકુંભ માત્ર ભારતનો જ નહીં પરંતુ સમગ્ર વિશ્વનો મહત્વનો ધાર્મિક પ્રસંગ છે. અહીં સુરક્ષા વ્યવસ્થા ખૂબ જ સારી રીતે કરવામાં આવી છે.હું ભારતને પ્રેમ કરું છું, કહીને ભારત પ્રત્યે પોતાનો આદર વ્યક્ત કર્યો અને કહ્યું કે મારું ભારત મહાન છે.
મુક્તિની શોધમાં પ્રથમ વખત ભારત આવી
મહાકુંભ (Maha kumbh) 2025ની ભવ્યતાનો અંદાજ એ વાત પરથી પણ લગાવી શકાય છે કે, આ વર્ષના મહાકુંભ (Maha kumbh) માં 40 કરોડથી વધુ શ્રદ્ધાળુઓ ભાગ લે તેવી સંભાવના રહેલી છે. આ કાર્યક્રમમાં ભાગ લેવા લાખો લોકો ત્રિવેણી સંગમ પહોંચ્યા છે અને આ મહાકુંભ (Maha kumbh) 26મી ફેબ્રુઆરી સુધી ચાલશે. સત્તાધીશોએ મહાકુંભ (Maha kumbh) ના આયોજન માટે વિશેષ વ્યવસ્થા કરી છે. જેથી શ્રદ્ધાળુઓને કોઈપણ પ્રકારની સમસ્યાનો સામનો કરવો ન પડે. આ દરમિયાન પવિત્ર સ્નાનની સાથે ધાર્મિક અને સાંસ્કૃતિક કાર્યક્રમોનું પણ આયોજન કરવામાં આવ્યું છે.
