ગૃહમંત્રી અમિત શાહે બાબાસાહેબ આંબેડકર વિશે રાજ્યસભામાં એક નિવેદન આપ્યું હતું. આ નિવેદન બાદ વિરોધ પક્ષે બાબાસાહેબ આંબેડકરનું અપમાન ગણાવ્યું હતું. કોંગ્રેસે કહ્યું આ શાહે કરોડો ભારતીયોનું અપમાન છે.તેથી કેન્દ્રિય ગૃહમંત્રી રાજીનામું આપે અને લોકોની માફી માંગે તેવી અપીલ કરી હતી. શાહ વિરોધ સમગ્ર દેશમાં વિરોધ પણ થયો હતો.ત્યારે ગુજરાત કોંગ્રેસે ડૉ.બાબાસાહેબ આંબેડકરની પ્રતિમા પાસે, સારંગપુર બ્રિજ નાં છેડે ધરણા-પ્રદર્શન કાર્યક્ર્મ યોજાયો હતો. જેમાં સુત્રોચ્ચાર-પ્લે કાર્ડ સાથે કોંગ્રસ નેતા ઉપસ્થીત રહ્યા હતા.
કેન્દ્રિય ગૃહમંત્રી રાજીનામું આપે તેવી માંગ
ગુજરાત કોંગ્રેસે અમદાવાદમાં આવેલ બાબા સાહેબ આંબેડકરની પ્રતિમા પાસે અમિત શાહ માફી માંગે, અમિત શાહ રાજીનામું આપે તેવા સૂત્રોચ્ચાર સાથે દેખાવ કર્યો હતો. કોંગ્રેસના નેતા દેખાવો કરતા પોલીસે કોંગ્રેસ પક્ષના કાર્યકરોની અટકાયત કરી હતી. મોટી સંખ્યામાં મહિલા કાર્યકરો પર ઉગ્રતાથી વિરોધ પ્રદર્શન કરી રહ્યા હતા.
જેમાં અમદાવાદ શહેર કોંગ્રેસ પ્રમુખ હિંમતસિંહ પટેલ, વિધાનસભા કોંગ્રેસ પક્ષના ઉપનેતા શૈલેષ પરમાર, કાર્યકારી પ્રમુખ ઈન્દ્રવિજયસિંહ ગોહિલ, ધારાસભ્ય ઈમરાન ખેડાવાલા, એસ.સી. સેલના ચેરમેન હિતેન્દ્ર પીઠડીયા, મંગળ સુરજકર સહિત ૧૦૦ થી વધુ કાર્યકર્તા-આગેવાનોની પોલીસે અટકાયત કરીને પોલીસ હેડકવાર્ટર ખાતે લઈ ગયા હતા.
ઉગ્રતાથી વિરોધ પ્રદર્શન કરતા પોલીસે અટકાયત કરી
સમગ્ર દેખાવ કાર્યક્રમમાં ગુજરાત વિધાનસભા કોંગ્રેસ પક્ષના ઉપનેતા શૈલેષ પરમાર, અમદાવાદ શહેર કોંગ્રેસ સમિતિના પ્રમુખ હિંમતસિંહ પટેલ, કોંગ્રેસ પક્ષના કાર્યકારી પ્રમુખ ડૉ. ઈન્દ્રવિજયસિંહ ગોહિલ, ધારાસભ્ય ઈમરાન ખેડાવાલા, ગુજરાત પ્રદેશ કોંગ્રેસ સમિતિના ઉપપ્રમુખ બિમલ શાહ, પંકજ પટેલ, વરિષ્ઠ આગેવાન પૂર્વ ધારાસભ્ય ગ્યાસુદ્દીન શેખ, ગુજરાત પ્રદેશ કોંગ્રેસ સમિતિના મીડીયા કન્વિનર અને પ્રવક્તા ડૉ. મનિષ દોશી, મહામંત્રી રાજુ બ્રહ્મભટ્ટ, બળદેવ લુણી, ભરત મકવાણા, જગત શુકલા, જુનેદ શેખ, અમદાવાદ મ્યુનિ. કોર્પોરેશન કોંગ્રેસ પક્ષના નેતા શહેજાદખાન પઠાણ, એસ.સી. સેલના ચેરમેન હિતેન્દ્ર પીઠડીયા, પ્રદેશ પ્રવક્તા પ્રગતિ આહિર, ડૉ. અમિત નાયક, કોર્પોરેશન કોંગ્રેસ પક્ષના દંડક જગદીશ ઠાકોર, મહિલા કોંગ્રેસના પ્રમુખ કામિનીબેન સોની, કોર્પોરેટરો, પદાધિકારીઓ સહિત મોટી સંખ્યામાં કાર્યકરો ધરણા-પ્રદર્શનમાં જોડાયા હતા.
