- ઓસ્ટ્રેલિયન ખેલાડી બ્રેન્ડન જુલિયનનો દાવો
- ભારત 4 દિવસમાં મેંચ હારી જશે
- રોહિત શર્મા અને ગૌતમ ગંભીર વચ્ચે તાલ મેલ નથી
બોર્ડર-ગાવસ્કર ટ્રોફીની પ્રથમ મેચ પર્થમાં રમાશે. ભારત અને ઓસ્ટ્રેલિયા વચ્ચે 22 નવેમ્બરથી શરૂ થનારી મેચ પહેલા એક ચોંકાવનારો દાવો સામે આવ્યો છે. ઓસ્ટ્રેલિયાના પૂર્વ ક્રિકેટર બ્રેન્ડન જુલિયન 5 મેચની ટેસ્ટ શ્રેણીને લઈને ઘણા દાવા કરી ચૂક્યા છે. ભારતીય ટીમની સામે ઘણી મુશ્કેલી રહેલી છે. જેના કારણે ઓસ્ટ્રેલિયન ટીમ 4 દિવસમાં જ પર્થમાં જીત શકે છે. જુલિયનએ ટીમ ઈન્ડિયાની સૌથી મોટી ચિંતા વિરાટ કોહલીને લઈને વ્યક્ત કરી હતી. તેણે દાવો કર્યો હતો કે તે ભારતીય કેપ્ટન રોહિત શર્મા અને મુખ્ય કોચ ગૌતમ ગંભીર સાથે તાલ મેળ મળતો નથી.
ઓસ્ટ્રેલિયન ખેલાડીનો દાવો
વિરાટ કોહલીનું ફોર્મ ઓસ્ટ્રેલિયામાં ખુબ ચર્ચાનો વિષય બન્યો છે. ઓસ્ટ્રેલિયન મીડિયાથી લઈને દિગ્ગજ ક્રિકેટરો સુધી દરેક તેના ફોર્મ અને રમત વિશે વાત કરી રહ્યા છે. 1933 થી 1999 વચ્ચે ઓસ્ટ્રેલિયા માટે 7 ટેસ્ટ અને 25 વનડે રમનાર બ્રેન્ડન જુલિયને પણ કોહલી પર ચોંકાવનારો દાવો કર્યો હતો. જુલિયને ન્યૂઝીલેન્ડ સામે વિરાટની આઉટ થવાની રીતને ભારતીય ટીમ માટે ચિંતાનું કારણ ગણાવ્યું હતું. જુલિયનના મતે કોહલી અત્યારે તેના શ્રેષ્ઠ ફોર્મમાં નથી અને તેને રોહિત અને ગંભીરનો
તાલ મેલ મળતો નથી. ટીમ સાથે તેની રમવાની શૈલી અનુકૂળ રહ્યી નથી.
ભારત 4 દિવસમાં મેંચ હારી જશે
કોહલી સિવાય જુલિયને પણ પર્થ ટેસ્ટને લઈને ચોંકાવનારો દાવો કર્યો હતો. તેમના મતે ઓસ્ટ્રેલિયન ટીમ માત્ર 4 દિવસમાં પર્થમાં ભારતને હરાવી દેશે. તેની પાછળ તેણે ઘણા કારણો આપ્યા. જુલિયનના મતે ટીમ ઈન્ડિયાના બેટ્સમેન અને બોલર બંને પોતાના ફોર્મ સાથે સંઘર્ષ કરી રહ્યા છે. જ્યારે પ્રથમ ટેસ્ટ કેપ્ટન રોહિત શર્મા હાજર રહેશે નહીં. જસપ્રીત બુમરાહ પ્રથમ વખત કેપ્ટનશીપ કરી રહ્યો છે. તેથી ઓપનિંગ બોલર અને કેપ્ટન તરીકે તેના પર વધુ દબાણ રહેશે. અચાનક આવી મહત્વપૂર્ણ શ્રેણીમાં કેપ્ટનશીપ તેના પર બોજ બની શકે છે. આ બધી બાબતોને ધ્યાનમાં રાખીને તેણે પેટ કમિન્સની ટીમને પ્રથમ મેચ જીતવા માટે ફેવરિટ ગણાવી હતી.
