અલ્લુ અર્જુને તેની ફિલ્મને લઈને ખુબ સમાચારોમાં છે. તેની ફિલ્મ ‘પુષ્પા 2’ જે આવતા મહિને સિનેમાઘરોમાં રિલીઝ થઈ રહી છે. તે પહેલા મેકર્સ આ ફિલ્મનું ટ્રેલર 17 નવેમ્બરે રિલીઝ કરવા જઈ રહ્યા છે. અલ્લુ અર્જુન ફિલ્મના પ્રમોશનમાં વ્યસ્ત છે. આ દરમિયાન તેણે પોતાના એક જૂના વાયરલ વીડિયો વિશે વાત કરી હતી. વર્ષ 2017માં અલ્લુ અર્જુનનો એક વીડિયો સોશિયલ મીડિયા પર વાયરલ થયો હતો. જેમાં તે દારૂની દુકાનમાં જોવા મળ્યો હતો. હવે તેણે કહ્યું કે તે પોતાના માટે દારૂ ખરીદવા ગયો નથી.
ફિલ્મનું ટ્રેલર 17 નવેમ્બરે રિલીઝ થશે
અલ્લુ અર્જુન સાઉથના લોકપ્રિય અભિનેતા નંદામુરી બાલકૃષ્ણાના શો NBK સિઝન 4માં જોવા મળશે.આ શોનો એક પ્રોમો વીડિયો પણ સામે આવ્યો છે. અલ્લુ અર્જુન આ શોમાં તેના જૂના વાયરલ વીડિયો વિશે વાત કરતા જોવા મળતો હતો. આ શો 15 નવેમ્બરે પ્રસારિત થશે પરંતુ અલ્લુ અર્જુને તે વીડિયો વિશે શું કહ્યું તેની માહિતી સામે આવી છે.
હું મારા ખાસ મિત્ર માટે દારૂ ખરીદવા ગયો હતો
જ્યારે નંદમુરી બાલકૃષ્ણે તેને પૂછ્યું કે તે વાઈન શોપમાં શું કરે છે. આ સવાલના જવાબમાં અલ્લુ અર્જુને કહ્યું કે કોઈ બીજા માટે દારૂ ખરીદે રહ્યો હતો. તેણે કહ્યું કે હું મારા ખાસ મિત્ર માટે દારૂ ખરીદી રહ્યો હતો અને તેનો મિત્ર પણ શોમાં ભાગ લેવા જઈ રહ્યો હતો. હવે તે મિત્ર કોણ છે તે તો નંદમુરી બાલકૃષ્ણના “શો’ માં ખબર પડશે.
પુષ્પા 2નું ટ્રેલર પટનામાં લોન્ચ થશે
અલ્લુ અર્જુનની ‘પુષ્પા 2નું ટ્રેલર પટનામાં લોન્ચ થવા જઈ રહ્યું છે. આ માટે નિર્માતાઓએ ત્યાં એક ઈવેન્ટનું આયોજન કર્યું છે. પટના બાદ અલ્લુ અર્જુન અને તેની ટીમ ફિલ્મના પ્રમોશન માટે કોલકાતા, ચેન્નાઈ, કોચી, બેંગલુરુ, મુંબઈ અને હૈદરાબાદ જશે. માનવામાં આવે છે કે અલ્લુ અર્જુન આ ફિલ્મ દ્વારા બોક્સ ઓફિસ પર ધુમ મચાવ છે. મેકરને આ ફિલ્મથી બમ્પર કમાણીની આશા પણ રહેલી છે.
