179 ગામોના 321 બુથો પર મતદાન
પેટાચૂંટણીમાં બે કલાકમાં 14 ટકા મતદાન
લોકસભામાં ગેનીબેનની ભવ્ય જીત થઈ હતી
વાવ વિધાનસભાની પેટાચૂંટણીના જંગમાં ભાજપ-કોંગ્રેસ અને અપક્ષ સહિત કુલ 10 ઉમેદવારો મેદાને છે. જેમનું ભાવિ આજે 3 લાખ 10 હજાર 681 મતદારો EVMમાં સીલ કરશે. વાવ, સુઈગામ અને ભાભર તાલુકાના 179 ગામોના 321 બુથો પર મતદાન થઇ રહ્યું છે. જેમાં 97 જેટલાં સંવેદનસીલ મતદાન મથકો છે. જ્યાં પોલીસના ચુસ્ત બંદોબસ્ત સાથે વેબ કાસ્ટિંગ કેમેરા પણ કાર્યરત કરવામાં આવ્યા છે. આ ઉપરાંત મતદાન પ્રક્રિયામાં કાયદો વ્યવસ્થા ન કથળે તે માટે 1500 સુરક્ષા કર્મીઓ ખડેપગે છે. જેમાં 4 DySP, 8 PI અને 30 PSI સહિત પોલીસકર્મીઓ ખડેપગે છે.
પેટાચૂંટણીમાં બે કલાકમાં 14 ટકા મતદાન
વાવની પેટાચૂંટણીમાં બે કલાકમાં 14 ટકા મતદાન થયું છે. ભાજપના ઉમેદવાર રૂપરજીએ મતદાન કરી જીતની હુંકાર ભરી હતી. આ ઉપરાતં વાવની જનતા સવાર સવારમાં મતદાન કરવા લાંબી કતાર લાગી છે. આ ઉપરાંત ગેનીબેન ઠાકોર 11 વાગ્યાની આસપાસ મતદાન કરવાની સંભાવના રહેલી છે.
લોકસભામાં ગેનીબેનની ભવ્ય જીત થઈ હતી
તમને જણાવી દઈએ કે કોંગ્રેસના ગેનીબેન ઠાકોરે લોકસભા ચૂંટણી 2024માં બનાસકાંઠા બેઠક પરથી ભવ્ય જીત મેળવી હતી, તેઓ વાવ બેઠક પરથી ધારાસભ્ય હતા, લોકસભા ચૂંટણીમાં જીત મેળવીને હવે સંસદ બન્યા બાદ વાવ બેઠક ખાલી હતી, જેને લઈને આગામી 13 નવેમ્બર પેટા ચૂંટણી માટે મતદાન યોજાશે. ગેનીબેન સંસદ બન્યા બાદ વિધાનસભા અધ્યક્ષને મળીને ધારાસભ્ય પદ પરથી રાજીનામું આપ્યું હતું અને તેઓ દિલ્હીમાં સાંસદ તરીકે બનાસકાંઠાનું પ્રતિનિધિત્વ કરી રહ્યા છે, જો કે અત્યાર સુધી MLA ક્વાટર્સ ખાલી કર્યું નથી.
