Weather Tracker: IMD Ahmedabad ની આગાહી દરમિયાન અમદાવાદમાં સવારથી ધોધમાર વરસાદ વરસી રહ્યો છે. રાણીપ, એસ પી રીંગ, સાણંદ, શેલા, શીલજ, પ્રહલાદનગર, એસજી હાઈવે, બોપલ, ઘુમામાં સવારથી વરસાદી માહોલે જમાવટ કરી હતી. સપ્તાહના પહેલા દિવસે સવારથી મેઘરાજાના મંડાણ થતાં ઓફિસ અને કામધંધા અર્થે જતા લોકોએ હાલાકી ભોગવી પડી હતી.
આ પણ વાંચો – Gopal Italia: અચાનક એક ઘટના બની અને પહોંચ્યા અમરેલી
હવામાન વિભાગ દ્વારા આજે સવારે સાત વાગ્યે જારી કરવામાં આવેલા મોનસુન વેધર નોટિફિકેશન અનુસાર, આગામી ત્રણ કલાક દરમિયાન જામનગર, મોરબી, સુરેન્દ્રનગર, અમદાવાદ, ગાંધીનગર, ખેડા, અરવલ્લી, મહીસાગર, બોટાદ, ભાવનગર, અમરેલી, ભરૂચ, સુરત, નવસારી, વલસાડ જિલ્લામાં મધ્યમ વરસાદ થઈ શકે છે. ઉપરાંત કચ્છ, બનાસકાંઠા, પાટણ, મહેસાણા, સાબરકાંઠા, દાહોદ, પંચમહાલ, આણંદ, વડોદરા, છોટા ઉદેપુર, નર્મદા, તાપી, ડાંગ, રાજકોટ, દેવભૂમિ દ્વારકા, પોરબંદર, જૂનાગઢ, ગીર સોમનાથ જિલ્લામાં પણ છૂટાછવાયા સ્થળોએ હળવો વરસાદ થવાની સંભાવના છે.
