Air India એ શુક્રવારે વિમાન ચેકિંગમાં વધારો, ખરાબ હવામાન અને એરસ્પેસ પ્રતિબંધોને કારણે ઘણી આંતરરાષ્ટ્રીય અને સ્થાનિક ફ્લાઇટ્સ રદ્દ કરી છે. અસરગ્રસ્ત ફ્લાઇટ્સમાં દુબઈ, ચેન્નાઈ, દિલ્હી, મેલબોર્ન, પુણે, Ahmedabad, હૈદરાબાદ અને મુંબઈ વચ્ચેની ફ્લાઇટ્સનો સમાવેશ થાય છે.
Air India ના નિવેદન અનુસાર, “એર ઇન્ડિયાની દુબઈથી ચેન્નાઈની આંતરરાષ્ટ્રીય ફ્લાઇટ્સ AI906; દિલ્હીથી મેલબોર્નની AI308; મેલબોર્નથી દિલ્હીની AI309; દુબઈથી હૈદરાબાદની AI2204 અને પુણેથી દિલ્હીની સ્થાનિક ફ્લાઇટ્સ AI874; અમદાવાદથી દિલ્હીની AI456; હૈદરાબાદથી મુંબઈની AI-2872 અને ચેન્નાઈથી મુંબઈની AI571 જાળવણી અને સંચાલનના કારણોસર રદ કરવામાં આવી છે.”
એર ઇન્ડિયાએ તેના મુસાફરોને થયેલી અસુવિધા બદલ દિલગીર છીએ અને તેમની સુવિધા માટે ઘણા પગલાં લીધા છે. એરલાઇને જાહેરાત કરી છે કે તે તેના કેટલાક આંતરરાષ્ટ્રીય રૂટ પર ફ્લાઇટ્સ ઘટાડશે અને 21 જૂનથી 15 જુલાઈ, 2025 સુધી ત્રણ રૂટ પર ફ્લાઇટ્સ અસ્થાયી રૂપે સ્થગિત કરશે. આ સાથે, મુસાફરોને સંપૂર્ણ રિફંડ અથવા મફત રિશેડ્યુલિંગની સુવિધા આપવામાં આવી રહી છે.
એર ઇન્ડિયાએ તેના નિવેદનમાં જણાવ્યું હતું કે, “મુસાફરોને થયેલી અસુવિધા બદલ અમને દુઃખ છે. અમારા ગ્રાઉન્ડ સ્ટાફના સાથીદારો મુસાફરોને શક્ય તેટલી વહેલી તકે તેમના ગંતવ્ય સ્થાને પહોંચવા માટે વૈકલ્પિક વ્યવસ્થા કરી રહ્યા છે. મુસાફરોને સંપૂર્ણ રિફંડ અથવા રદ થવા પર મફત રિશેડ્યુલિંગની ઓફર કરવામાં આવી છે.” એરલાઇને મુસાફરોને વેબસાઇટ પર તેમની ફ્લાઇટ સ્ટેટસ તપાસવા અથવા ગ્રાહક સેવા નંબરોનો સંપર્ક કરવા અપીલ કરી છે.
આ પણ વાંચો – Ahmedabad Plane Crash: વિશ્વાસ કુમારની કહાની સાંભળી તમે ચોકી જશો
ગુરુવારે અગાઉ, એર ઇન્ડિયાએ જણાવ્યું હતું કે તે 21 જૂનથી 15 જુલાઈ, 2025 સુધી અનેક આંતરરાષ્ટ્રીય રૂટ પર દર અઠવાડિયે ફ્લાઇટ્સની સંખ્યામાં ઘટાડો કરશે અને ત્રણ રૂટ પર કામચલાઉ ધોરણે કામગીરી બંધ કરશે. “18 જૂન 2025 ના રોજ જારી કરાયેલા પ્રેસ સ્ટેટમેન્ટને પગલે, જેમાં બોઇંગ 787 અને 777 એરક્રાફ્ટ દ્વારા સંચાલિત સેવાઓને કામચલાઉ ધોરણે સ્થગિત કરવાની જાહેરાત કરવામાં આવી હતી, અમે અસરગ્રસ્ત ફ્લાઇટ્સની વિગતો પ્રદાન કરવા માંગીએ છીએ. આ ઘટાડો 21 જૂન 2025 થી અમલમાં આવશે અને ઓછામાં ઓછા 15 જુલાઈ 2025 સુધી અમલમાં રહેશે,” એરલાઇને તેની પોસ્ટમાં જણાવ્યું હતું.
