RCB Bengaluru Stampede: પહેલી વાર IPL જીતનાર RCB ની ઉજવણી બુધવારે એક મોટી દુર્ઘટનામાં ફેરવાઈ ગઈ હતી. વિજેતા ખેલાડીઓના સ્વાગત માટે Chinnaswamy Stadium ની બહાર એકઠી થયેલી ભીડમાં ભાગદોડ મચી ગઈ હતી. આ દુર્ઘટનામાં 11 લોકોનાં મોત થયા અને 33 ઘાયલ થયા છે. કર્ણાટક હાઈકોર્ટે પોતે આ બાબતની નોંધ લીધી છે. કોર્ટ બપોરે 2.30 વાગ્યે આ કેસની સુનાવણી કરશે. તે જ સમયે, સામાજિક કાર્યકર સ્નેહમયી કૃષ્ણાએ કબ્બન પાર્ક પોલીસ સ્ટેશનમાં ફરિયાદ નોંધાવી છે. ફરિયાદમાં મુખ્યમંત્રી Siddaramaiah, નાયબ મુખ્યમંત્રી DK Shivakumar અને કર્ણાટક ક્રિકેટ બોર્ડ પર બેદરકારીનો આરોપ મૂકવામાં આવ્યો છે.
ગઈકાલે ઘટના પછી સાંજે એક પત્રકાર પરિષદને સંબોધતા મુખ્યમંત્રી સિદ્ધારમૈયાએ કહ્યું, ‘હું આ ઘટનાનો બચાવ નથી કરી રહ્યો, પરંતુ દેશમાં પહેલા પણ ઘણા મોટા અકસ્માતો થયા છે, જેમ કે કુંભ મેળામાં 50-60 લોકોએ જીવ ગુમાવ્યા. જોકે, આનો અર્થ એ નથી કે આપણે જવાબદારી ટાળવી જોઈએ.’ તે જ સમયે, ભાજપે તેમના રાજીનામાની માગ કરી છે.
Chinnaswamy Stadium માં ફ્રી પાસ સાથે પ્રવેશ હતો . RCB ની વેબસાઇટ પરથી પાસ લેવાના હતા. બુધવારે આ જાહેરાત પછી, મોટી સંખ્યામાં લોકો વેબસાઇટની મુલાકાત લેવા લાગ્યા અને સાઇટ ક્રેશ થઈ ગઈ. પાસ ધરાવતા લોકોની સાથે, પાસ વગરના લોકો પણ સ્ટેડિયમમાં પહોંચી ગયા. આને કારણે, ભીડનો અંદાજ લગાવી શકાયો નહીં. પ્રારંભિક તપાસ મુજબ, ભીડે સ્ટેડિયમમાં પ્રવેશવા માટે 12, 13 અને 10 નંબરના ગેટ તોડવાનો પ્રયાસ કર્યો હતો. પોલીસે લાઠીચાર્જ કર્યો. ગટર પર મૂકેલો સ્લેબ તૂટી પડ્યો અને હળવા વરસાદ વચ્ચે નાસભાગ મચી ગઈ હતી.
આ પણ વાંચો – RCB: બેંગલુરુના 17 વર્ષના સંઘર્ષને અંતે સફળતા મળી
બપોરે 3:30 વાગ્યે જ્યારે ભીડ વધુ વધી ગઈ, ત્યારે બધા ગેટ બંધ કરી દેવામાં આવ્યા હતા. આને કારણે, પાસ ધરાવતા લોકો પણ પ્રવેશ કરી શક્યા નહીં. હંગામો શરૂ થયો. ગેટ નંબર 10 પર પરિસ્થિતિ વધુ વણસી. પોલીસે મહિલાઓ અને બાળકોને પાછળ ધકેલી દીધા, જેમાં કેટલીક મહિલાઓ બેભાન થઈ ગઈ હતી. સરકારે કહ્યું, 5 હજાર સુરક્ષા કર્મચારીઓ હતા, પરંતુ ભીડ ખૂબ વધારી હતી. તેથી, વિજય પરેડ યોજાઈ શકી નહીં.
