વડાપ્રધાન નરેન્દ્ર મોદીના નેતૃત્વમાં દેશમાં સ્વાસ્થ્ય સંબંધિત ઘણી યોજનાઓ શરૂ કરવામાં આવી છે. આમાંથી એક આયુષ્માન ભારત પ્રધાન મંત્રી જન આરોગ્ય યોજના (AB-PMJAY) છે. જે અંતર્ગત પીએમ મોદી 29 ઓક્ટોબરે 70 વર્ષ અને તેથી વધુ ઉંમરના તમામ લોકો માટે સ્વાસ્થ્ય વીમો લોન્ચ કરે તેવી શક્યતા છે. આ સાથે, નિયમિત રસીકરણની ઇલેક્ટ્રોનિક રજિસ્ટ્રી જાળવવા માટે વિકસિત U-WIN પોર્ટલ પણ તે જ દિવસે શરૂ કરવામાં આવશે.
વૃદ્ધો માટે હોસ્પિટલમાં 5 લાખ રૂપિયા સુધીની મફત સારવાર
આયુષ્માન ભારત સ્વાસ્થ્ય વીમા યોજના હેઠળ વિસ્તૃત યોજના શરૂ કરવાની સંભાવના છે. જેનો લાભ લગભગ 4.5 કરોડ પરિવારોના 6 કરોડ નાગરિકોને લાભ મળશે. 70 વર્ષ કે, તેથી વધુ ઉંમરના દરેક વ્યક્તિને આયુષ્માન કાર્ડ મેળવવા માટે પાત્ર છે. વિસ્તૃત યોજનાની શરૂઆત પછી, AB PMJAY હેઠળ કોઈપણ સૂચિબદ્ધ હોસ્પિટલમાં 5 લાખ રૂપિયા સુધીની મફત સારવાર મેળવી શકે છે.
વૃદ્ધો આ યોજનાનો સંપૂર્ણ લાભ મેળવી શકશે
1 સપ્ટેમ્બર, 2024 સુધી, PMJAY હેઠળ 12,696 ખાનગી હોસ્પિટલો સહિત કુલ 29,648 હોસ્પિટલોને સૂચિબદ્ધ કરવામાં આવી છે. આ યોજના હાલમાં દિલ્હી, ઓડિશા અને પશ્ચિમ બંગાળ સિવાય દેશના 33 રાજ્યો અને કેન્દ્રશાસિત પ્રદેશોમાં લાગુ કરવામાં આવી રહી છે. જ્યાં વૃદ્ધો આ યોજનાનો સંપૂર્ણ લાભ મેળવી શકશે.
વૃદ્ધો માટે ખૂબ જ ફાયદાકારક સાબિત થશે
સૂત્રોના જણાવ્યા અનુસાર, આધાર કાર્ડમાં નોંધાયેલી ઉંમર પ્રમાણે 70 વર્ષ કે તેથી વધુ ઉંમરની કોઈપણ વ્યક્તિ આ યોજના માટે અરજી કરવા પાત્ર હશે. તેઓ હોસ્પિટલોમાં મફત સારવાર મેળવી શકશે, સરકારની આ યોજના વૃદ્ધો માટે ખૂબ જ ફાયદાકારક સાબિત થશે. આયુષ્માન ભારત પ્રધાન મંત્રી જન આરોગ્ય યોજના (AB-PMJAY) સરકારની એક મહત્વપૂર્ણ યોજના છે.
