-
ભારત સામે Australiaનું આકરૂ વલણ
-
Gujarat સહિત છ રાજ્યના વિદ્યાર્થીઓને Visa નહીં આપે
-
બે વર્ષ પહેલાં પણ ઓસ્ટ્રેલિયાએ આ પાંચ રાજ્યો પર પ્રતિબંધ લગાવ્યો હતો
Australia Ban on Indian students | ઓસ્ટ્રેલિયા (Australia)માં અભ્યાસ કરવાનું સ્વપ્ન જોતા હજારો વિદ્યાર્થીઓને ઝટકો લાગ્યો છે. અમેરિકા, યુકે અને કેનેડા પછી ભારત (India)ના વિદ્યાર્થી (Student)ઓ માટે પ્રિય સ્થળ ઓસ્ટ્રેલિયાએ હવે પાંચ રાજ્યોના વિદ્યાર્થીઓ પર પ્રતિબંધ મૂક્યો છે. એક અહેવાલ મુજબ, ઘણી ઓસ્ટ્રેલિયન યુનિવર્સિટીઓએ ગુજરાત, બિહાર, ઉત્તર પ્રદેશ, પંજાબ અને હરિયાણાના વિદ્યાર્થીઓને પ્રવેશ આપવાનો ઇનકાર કર્યો છે. બે વર્ષ પહેલાં પણ ઓસ્ટ્રેલિયાએ આ પાંચ રાજ્યો પર પ્રતિબંધ લગાવ્યો હતો, જો કે, પછીથી તેમાં છૂટછાટ આપવામાં આવી હતી.
ઓસ્ટ્રેલિયાએ આ પાંચ રાજ્યો પર બેન મુકવાનું કારણ એ આપવામાં આવ્યું છે કે કેટલાક વિદ્યાર્થીઓ નકલી દસ્તાવેજોનો ઉપયોગ કરી રહ્યા હતા અને અભ્યાસના નામે ત્યાં નોકરી મેળવવાનો પ્રયાસ કરી રહ્યા હતા. આ કારણે આ પ્રતિબંધો લાદવામાં આવ્યા છે. 2023 માં પણ એવા અહેવાલો આવ્યા હતા કે ઓસ્ટ્રેલિયાની કેટલીક યુનિવર્સિટીઓએ ભારતના કેટલાક રાજ્યોના વિદ્યાર્થીઓને વિઝા આપવાનો ઇનકાર કર્યો હતો. આનું કારણ એ હતું કે ઘણા વિદ્યાર્થીઓએ પોતાનો અભ્યાસ અધવચ્ચે જ છોડી દીધો હતો અને કેટલાક કિસ્સાઓમાં ખોટી રીતે વિઝા મેળવવામાં આવી રહ્યા હતા.
ઓસ્ટ્રેલિયન સરકાર, વડા પ્રધાન એન્થોની અલ્બેનીસ (Anthony Albanese)ના નેતૃત્વ હેઠળ, દેશમાં ઝડપથી વધી રહેલા ઇમિગ્રેશનને ઘટાડવા અને આંતરરાષ્ટ્રીય વિદ્યાર્થીઓના નકલી નોંધણીને રોકવા માટે મોટા ફેરફારો કરી રહી છે. ભારતીય વિદ્યાર્થીઓ પર યુનિવર્સિટીઓ દ્વારા લાદવામાં આવેલા પ્રતિબંધને આ સુધારાના ભાગ રૂપે ગણવામાં આવી રહ્યો છે. ઓસ્ટ્રેલિયા 2025 સુધીમાં તેના દેશમાં આવતા ઇમિગ્રન્ટ્સની સંખ્યા અડધી કરવાની યોજના ધરાવે છે.
એક અહેવાલ મુજબ, ડિસેમ્બર 2022થી ડિસેમ્બર 2023 દરમિયાન ભારતીય વિદ્યાર્થીઓને આપવામાં આવેલા વિઝાની સંખ્યામાં 48% ઘટાડો થયો છે. હવે, લગભગ 20% ભારતીય વિદ્યાર્થીઓની વિઝા અરજીઓ પણ નકારી કાઢવામાં આવી રહી છે. ભારતની સાથે નેપાળ અને પાકિસ્તાનના વિદ્યાર્થીઓની અરજીઓ પણ મોટી સંખ્યામાં નકારી કાઢવામાં આવી રહી છે.
ઓસ્ટ્રેલિયાની સેન્ટ્રલ ક્વીન્સલેન્ડ યુનિવર્સિટી, જે દેશભરમાં 20થી વધુ જગ્યાએ કાર્યરત છે, તેણે પોતાના એજન્ટોને જણાવ્યું કે તે હવે ભારત અને નેપાળના વિદ્યાર્થીઓને તેના અંગ્રેજી કાર્યક્રમોમાં પ્રવેશ આપશે નહીં. ઉપરાંત, 25 વર્ષથી વધુ ઉંમરના લોકો અથવા પરિણીત લોકોને પ્રવેશ આપવામાં આવશે નહીં સિવાય કે તેઓ રિસર્ચ માટે આવી રહ્યા હોય. 2023માં એવા પણ અહેવાલ આવ્યા હતા કે વેસ્ટર્ન સિડની યુનિવર્સિટીએ તેના એજન્ટોને પંજાબ, હરિયાણા અને ગુજરાતના વિદ્યાર્થીઓને પ્રવેશ ન આપવા કહ્યું હતું કારણ કે 2022માં આ રાજ્યોના મોટાભાગના વિદ્યાર્થીઓએ અભ્યાસક્રમ છોડી દીધો હતો.
ભારતીય વિદ્યાર્થીઓ માટે મુશ્કેલીઓ વધી
વિદેશમાં અભ્યાસ કરવાનું સ્વપ્ન જોતા ભારતીય વિદ્યાર્થીઓ માટે સમય વધુ મુશ્કેલ બની રહ્યો છે. હવે ફક્ત ઓસ્ટ્રેલિયા જ નહીં, પણ કેનેડા અને યુકે જેવા દેશો પણ વિદ્યાર્થીઓ માટે નિયમો કડક બનાવી રહ્યા છે. કેનેડા હવે વિદ્યાર્થી પરમિટ (વિઝા) અને યુકેની સંખ્યા મર્યાદિત કરી રહ્યું છે. અભ્યાસ પૂર્ણ કર્યા પછી ત્યાં કામ કરવાના અધિકાર પર નિયંત્રણો લાદવાનું શરૂ કર્યું છે. એવું પણ કહેવામાં આવી રહ્યું છે કે ભારતની શિક્ષણ પ્રણાલી વિદ્યાર્થીઓને વિદેશમાં અભ્યાસ માટે સંપૂર્ણપણે તૈયાર કરતી નથી. દેશમાં શિક્ષિત યુવાનોમાં બેરોજગારીનો દર પણ ઘણો ઊંચો હોવાનું કહેવાય છે. આ કારણોસર, ઘણા યુવાનો ફક્ત અભ્યાસ માટે જ નહીં, પરંતુ સારી નોકરી અને જીવન માટે પણ વિદેશ જવા માંગે છે.
