Ahemedabad : હાલમાં એક ચર્ચા ગુજરાતમાં ખુબ ચાલી રહી છે કે ગુજરાતમાં કેટલા લોકો પાસે વટ પાડવા માટે નાગાલેન્ડ અને મણિપુરના બનાવતી હથિયારોના લાયસન્સ છે. જોકે હવે એક ચર્ચા એ પણ ચાલી રહી છે રાજકીય નેતાઓના સંબંધીઓ પાસે અને ગુજરાતના કેટલાક ખ્યાતનામ કલાકારો પાસે આ હથિયારો છે જે કેટલાક સામાજિક કાર્યક્રમોમાં કમરે લટકાવી રોફ પણ જમાવી ચુક્યા છે. જોકે ગુજરાત ATS (GUJARAT ATS) પાસે આ તમામ અંગેની વિગતો આવી ચુકી છે જેમાં એક બાદ એક ની ધરપકડ કરવામાં આવી રહી છે.
અમદાવાદ, બોટાદ, સુરેન્દ્રનગર, ભાવનગર અને પોરબંદરમાં તાપસ
નાગાલેન્ડ અને મણિપુર રાજ્યના સરકારી વિભાગના નામે હથિયારો માટેનું બોગસ લાઈસન્સ ઈસ્યુ કરીને તેના દ્વારા ખૂબ મોટાપ્રમાણમાં હથિયારોની ખરીદી કરવાના મામલે તપાસ કરી રહેલી એન્ટી ટેરરિસ્ટ સ્ક્વોડ (GUJARAT ATS) ની તપાસમાં એક પછી એક ચોંકાવનારા ઘટસ્ફોટ થઈ રહ્યા છે. જેમાં સૌરાષ્ટ્રમાં બોગસ લાઈસન્સથી ખૂબ મોટા પ્રમાણમાં હથિયાર ખરીદી કરાયાની વિગતો મળી રહી છે. આ ઉપરાંત અમદાવાદના એક મોટા ગજાના રાજકીય વ્યક્તિના અનેક નજીકના લોકોએ પણ લાઈસન્સ મેળવ્યાની સાથે દક્ષિણ ગુજરાતના એક ધારાસભ્યના નજીકના સગાનું નામ એટીએસ (GUJARAT ATS) ને તપાસમાં જાણવા મળ્યું છે.
કલાકારો અને નેતાઓ હથિયાર કોભાંડમાં ATS ની રડારમાં
નાગાલેન્ડ અને મણિપુર રાજ્યથી કાયદેસરનું લાઈસન્સ ઈસ્યુ કરી આપવાનું કહીને ત્યાંની સરકારના નામે હથિયારના બનાવટી લાયસન્સ ઈસ્યુ કરવાના કેસમાં એટીએસ તપાસ કરી રહી છે. આ ઉપરાંત ગુજરાતના અન્ય શહેરોની સ્પેશીયલ ઓપરેશન ગ્રુપના અધિકારીઓને એક પછી એક અનેક ચોંકાવનારી વિગતો મળી રહી છે. જેમાં મુખ્ય સાત આરોપીઓ પાસેથી મળેલી વિગતો અને ત્યારબાદ શરૂ કરવામાં આવેલી તપાસમાં જાણવા મળ્યું હતું કે, આરોપીઓએ બનાવટી લાઈસન્સ પર એકથી વધુ હથિયાર ખરીદીને લાખો રૂપિયામાં વૈચાણ કર્યા હતા. એટલુ જ નહીં બોગસ લાઈસન્સમાં ચેડા કરીને લાઈસન્સ પણ મોટી રકમ વસુલીને આપ્યા હતા. એટીએસ (GUJARAT ATS) દ્વારા એક યાદી કરવાની સાથે રાજકોટ, બોટાદ, સુરેન્દ્રનગર, પોરંબદર અને ભાવનગર સહિતના વિસ્તારોમાં તપાસ શરૂ કરી છે. બીજી તરફ તપાસમાં એવી વિગતો આવી છે કે અમદાવાદના એક મોટાગજાના રાજકીય વ્યક્તિ સાથે આરોપીઓને મિલિભગત હોવાથી તેમણે અનેક બોગસ લાઈસન્સ ઈસ્યુ કરાવ્યા છે. આ ઉપરાંત દક્ષિણ ગુજરાતનાં એક ધારાસભ્યના પણ હથિયાર હોવાની વિગતો એટીએસ (GUJARAT ATS) ની તપાસ ખુલી છે. સાથે સાથે સુરેન્દ્રનગર જિલ્લાના એક અનુભવી રાજકીય વ્યક્તિના અનેક સગાને પણ લાઈસન્સ ઈસ્યુ કરાવ્યાની વિગતો સામે આવી છે. હવે આ કેસમાં રાજકીય વળાંક આવતા એટીએસ (GUJARAT ATS) ના અધિકારીઓ પણ હવે મુંઝવણમાં મુકાયા છે કે આ કેસમાં હજુ કેટલા નામ સામે આવે છે અને તાપસ ક્યાં સુધી જશે. જોકે ATS દ્વારા આ કેસની તપાસમાં તેના મૂળ સુધી પહોંચી તમામ ગેરકાયેદેસર હથિયાએ જપ્ત કરવાનો મુખ્ય ટાર્ગેટ છે. ત્યારે એવી ચર્ચા છે કે, કેટલાંક ડાયરાના કલાકારો પણ શંકાના ઘેરામાં છે કેમ કે, તેમણે પણ ગેરકાયદે રીતે હથિયાર ખરીદ્યા છે.
કલાકારોને હથિયાર અપાવનારો માસ્ટર માઈન્ડ કોણ ?
ગેરકાયદે લાઈસન્સ અને હથિયાર પ્રકરણમાં હજુ મોટા ખુલાસો થઈ શકે તેમ છે. ગેરકાયદે રીતે રિવોલ્વર અને લાયસન્સ અપાવવામાં જેની મુખ્ય ભૂમિકા રહી છે તે અર્જુન અલગોતર કેટલાંક ગુજરાતી કલાકારોના સંપર્કમાં હોય તેવી ચર્ચાએ જોર પકડયુ છે. અર્જુન અલગોતરે જ ડાયરાના કલાકારોને ગેરકાયદે રીતે લાઈસન્સ અને રિવોલ્વર અપાવ્યાં છે. હવે જ્યારે આ પ્રકરણમાં માઇન્ડ માસ્ટર સૌકતઅલી હરિયાણાથી પકડાયો છે ત્યારે હજુ ચોંકાવનારી માહિતી બહાર આવશે. ગેરકાયદે રીતે રિવોલ્વર અને લાયસન્સ કૌભાંડ પકડાયુ છે ત્યારે ડાયરાના કલાકારોએ મૂંઝવણમાં મૂકાયા છે. રાજકીય વગ આધારે સમગ્ર પ્રકરણથી બચવા દોડધામ મચાવી છે. પોલીસ આ દિશામાં તપાસ કરશે તો વટ પાડવા હથિયાર ખરીદનારાંઓના નામ ખુલી શકે છે.
