Passport | ગુજરાતીઓની વિદેશ જવાની ઘેલછા જગજાહેર છે. વિદેશ જવા પાસપોર્ટ સૌથી મહત્ત્વનો પુરાવો છે. જોકે, પાસપોર્ટમાં સુધારો કરવો જટિલ પ્રક્રિયા છે. વિદેશ મંત્રાલયે પાસપોર્ટ અરજદારો માટે એક નવો વિકલ્પ રજૂ કર્યો છે, જેનાથી તેઓ લગ્નનું પ્રમાણપત્ર સબમિટ કર્યા વિના તેમના પાસપોર્ટમાં તેમના જીવનસાથીનું નામ ઉમેરી શકે છે. આ ફેરફાર એનેક્સર J તરીકે ઓળખાતા દસ્તાવેજના રૂપમાં આવે છે, જેનાથી પાસપોર્ટ સુધારા પ્રક્રિયા સુવ્યવસ્થિત થવાની અપેક્ષા છે.
પાસપોર્ટમાં જીવનસાથીનું નામ ઉમેરવા માટે મેરેજ સર્ટિફિકેટ પણ રજૂ કરવું ફરજિયાત હતું. પરંતુ સરકાર દ્વારા હવે નિયમ ફેરફાર કરવામાં આવ્યો છે. હવે તમે મેરેજ સર્ટિફિકેટ વગર જ તમારા પાસપોર્ટમાં તમારા જીવનસાથીનું નામ ઉમેરી શકશો. આ માટે તમારે ફક્ત તમારા બંનેનો ફોટો શેર કરવાનો રહેશે અને તેના પર બંનેની સહી કરવાની રહેશે. આ રીતે, સ્વ-પ્રમાણિત લગ્નના ફોટોગ્રાફને એક દસ્તાવેજ તરીકે ગણવામાં આવશે અને તેના આધારે, જીવનસાથીનું નામ પાસપોર્ટમાં ઉમેરવામાં આવશે.
વિદેશ મંત્રાલય દ્વારા Annexure J નો વિકલ્પ આપવામાં આવ્યો છે. જેમાં તમારે તમારા લગ્નનો ફોટો અથવા તમારા બંનેનો કોઈ પણ અન્ય સંયુક્ત ફોટો અપલોડ કરી શકો છો. આને પ્રમાણપત્ર તરીકે ગણવામાં આવશે. સામાન્ય રીતે, મેરેજ રજિસ્ટ્રેશન એક જટિલ પ્રક્રિયા છે અને લોકો તેનાથી બચવા માટે તેને વર્ષો સુધી પેન્ડિંગ રાખે છે. પછી જ્યારે પણ નોકરીમાં ટ્રાન્સફરની જરૂર પડે છે કે પાસપોર્ટ વગેરેની જરૂર પડે છે, ત્યારે તેમને સમસ્યાઓનો સામનો કરવો પડે છે. હવે વિદેશ મંત્રાલયે પાસપોર્ટમાં જીવનસાથીનું નામ ઉમેરવાની સમસ્યાને સંપૂર્ણપણે દૂર કરી દીધી છે.
વિદેશ મંત્રાલયે વિકલ્પ તરીકે જોઈન્ટ ફોટો ડિક્લેરેશનની સુવિધા પૂરી પાડી છે. આ અંતર્ગત પાસપોર્ટ માટે અરજી કરનારાઓએ પોતાના નામ જાહેર કરવા પડશે. આ પછી તમારે તમારા જીવનસાથીનું નામ દાખલ કરવું પડશે. પછી Annexure J પર જોઈન્ટ ફોટો અપલોડ કરીને બંનેની સહી કરવાની રહેશે.
તેમજ અરજદારે જણાવવાનું રહેશે કે પાસપોર્ટ તેના જીવનસાથીનું નામ દાખલ કર્યા પછી જ જારી કરવો. Annexure J માં આપેલા વિકલ્પ હેઠળ, બંનેની સહી અને ફોટોગ્રાફ ઉપરાંત તમારું નામ, આધાર કાર્ડ નંબર, મતદાર ID નંબર અને પાસપોર્ટ નંબર વગેરેનો પણ ઉલ્લેખ કરવો પડશે. આ મામલે સરકારનું કહેવું છે કે જો બંનેના ડોક્યુમેન્ટ સાચા છે અને ફોટો હોય તો સ્વ-પ્રમાણિત કરાવવામાં કોઈ સમસ્યા નથી. આનાથી લોકો ગૂંચવણોથી પણ બચી શકશે.
You Can also Follow us on Social Media
Youtube | Facebook | Instagram | X (Twitter) | WhatsApp
