- ભત્રીજીની ઉંમર 3 વર્ષ અને 11 મહિના
- કાકીએ દુષ્કર્મ કરવામાં મદદ કરી
- ધરપકડ કરી પૂછપરછ શરૂ કરવામાં આવી
આજના કળિયુગમાં અમુક ઘટનાઓ એવી ઘટે છે કે માથું શરમથી ઝુકી જાય છે. આવી જ ઘટના અમરેલી જિલ્લાના ખાંભાના નાના બારમણ ગામે સગા કાકાએ પોતાની સગી ભત્રીજીની સાથે ચોકલેટની લાલચ આપીને શારીરિક અડપલા સાથે દુષ્કર્મનો પ્રયાસ કર્યો હતો. આ કાકાની કાળી કરતૂત જોઈએ ક્રાઈમ સ્પેશ્યલ રિપોર્ટમાં
ભત્રીજીની ઉંમર 3 વર્ષ અને 11 મહિના
આરોપી જગદીશ નાગરે પોતાની જ સગી ભત્રીજી જેમની ઉંમર માત્ર 3 વર્ષ અને 11 મહિના છે. ચોકલેટની લાલચ આપીને પોતાના રૂમમાં બોલાવીને સગી ભત્રીજી પર શારીરિક અડપલાં કર્યાને દુષ્કર્મનો પ્રયાસ કરવાની કોશિશ કરી હતી. બાળકીનો ફોટા વિડીયો પણ મોબાઈલમાં કેદ કરવાનો નરાધમ યુવકની પત્ની જ્યોત્સના નાગરે મદદ કરી હતી. પોલીસ ફરિયાદ અમરેલી જિલ્લાના ખાંભા પોલીસ મથકમાં નોંધાઇ હતી.
કાકીએ દુષ્કર્મ કરવામાં મદદ કરી
પોલીસે આરોપીની ધરપકડ કરી લીધી હતી. ખાંભા તાલુકાના નાના બારમણ ગામે 3 વર્ષ ને 11 માસની કુમળી વયની દીકરી સાથે શારીરિક અડપલા અને દુષ્કર્મનો ગુન્હો નોંધાતા ધારી dysp જયવીર ગઢવીએ સમગ્ર શારીરિક અડપલાં અને દુષ્કર્મ પ્રયાસના ઘટનાક્રમ રજૂ કર્યો હતો. આરોપીને લોકઅપ સળિયા પાછળ ધકેલી દીધો હતો
ધરપકડ કરી પૂછપરછ શરૂ કરવામાં આવી
ઘટનામાં દુષ્કર્મ આચર્યાની પોલીસ ફરિયાદ ખાંભા પોલીસ સ્ટેશનમાં મોડી રાતે નોંધાયા બાદ પોલીસે ઘટનાની ગંભીરતા દાખવી બંને આરોપીની ગણતરીની કલાકોમાં ધરપકડ કરવામાં આવી હતી. જેમાં સગા કાકા અને સગી કાકી બંનેની ધરપકડ કરી પૂછપરછ શરૂ કરવામાં આવી છે, વધુ કેટલાક પુરાવા એકત્ર કરવા પોલીસે કવાયત હાથ ધરી છે.
