રશિયા અને યુક્રેન વચ્ચે ચાલી રહેલું યુદ્ધ અટકવાનું નામ નથી લઈ રહ્યું. બંને દેશો સતત એકબીજા પર હુમલો કરી રહ્યા છે. રશિયાના એર ડિફેન્સ યુનિટે રવિવારે સવારે માહિતી આપી હતી કે, તેમણે યુક્રેન તરફ છોડવામાં આવેલા 51 ડ્રોનને નષ્ટ કરી દીધા છે. રશિયન મંત્રાલયે જણાવ્યું હતું કે, 18 ડ્રોન મોસ્કોથી લગભગ 450 કિલોમીટર દક્ષિણપૂર્વમાં ટેમ્બોવ ક્ષેત્રમાં, 16 બેલગોરોડ સરહદ વિસ્તારમાં અને બાકીના રશિયાના દક્ષિણમાં વોરોનેઝ, ઓરીઓલ અને કુર્સ્ક પ્રદેશોમાં નાશ પામ્યા હતા. જો કે, રશિયાએ હજુ સુધી કોઈ જાનહાનિ અંગે માહિતી સામે આવી નથી
ડ્રોન હુમલાથી મહિલાને સામાન્ય ઈજા થઈ
પ્રાદેશિક ગવર્નર વ્યાચેસ્લાવ ગ્લાડકોવે જણાવ્યું હતું કે, બેલગોરોડ પર ડ્રોન હુમલામાં એક મહિલાને સામાન્ય ઈજા થઈ હતી. આ ઉપરાંત કારને પણ નુકસાન થયું હતું. ટેમ્બોવના ગવર્નર મેક્સિમ યેગોરોવે જણાવ્યું હતું કે, યુક્રેનિયન ડ્રોન મિચુરિંસ્કી જિલ્લામાં પડ્યું હતું. પરંતુ કોઈ જાનહાનિના સમાચાર નથી. યુદ્ધની શરૂઆતથી, રશિયન સંરક્ષણ મંત્રાલયે માત્ર ડ્રોનનો નાશ કર્યો તેની માહિતી આપતા નથી.
🇺🇦🇷🇺🚨‼️ BREAKING: A fire reportedly broke out in Russia's Tambov region as a result of a Ukrainian drone attack, says the governor!
Ukrainian forces did launch drones towards Russia earlier this evening, which was reported by the media.
"Local residents report that the fire… pic.twitter.com/OE4fUOdkZ3
— TabZ (@TabZLIVE) October 27, 2024
રશિયાએ 10 ડ્રોન છોડ્યા હતા
યુક્રેનના સૈન્ય વડા સેરહી પોપકોએ પોતાના નિવેદનમાં જણાવ્યું હતું કે, રશિયાએ અલગ-અલગ દિશામાં લગભગ 10 ડ્રોન છોડ્યા હતા. જેને યુક્રેનિયન વાયુસેનાએ શહેરો પર પડે તે પહેલા જ નષ્ટ કરી દીધા હતા. પોપકોએ જણાવ્યું હતું કે, ઇજાઓ અથવા મોટા નુકસાનના કોઈ અહેવાલ નથી. છેલ્લા કેટલાક મહિનાઓથી બંને દેશો તરફથી મોટા શહેરો પર હુમલા કરવામાં આવી રહ્યા છે. રશિયાના હુમલાનો સામનો કરવા માટે પશ્ચિમી દેશો યુક્રેનને સતત સૈન્ય અને આર્થિક મદદ આપી રહ્યા છે. ઈરાન અને ઉત્તર કોરિયા પર રશિયાને મિસાઈલ અને ડ્રોન સપ્લાય કરવાનો આરોપ છે.
