દિલ્હીમાં વાયુ પ્રદૂષણ જીવલેણ સ્તરે પહોંચ્યા બાદ સોમવારથી GRAP-4 લાગુ કરવામાં આવ્યો છે. શાળાઓ ફક્ત ધોરણ 10 અને 12 માટે ઑફલાઇન મોડમાં ખુલશે. અન્ય તમામ વર્ગો માટે આજથી ઓનલાઈન મોડમાં અભ્યાસ હાથ ધરવામાં આવશે. દિલ્હીના મુખ્યમંત્રી આતિશીએ સોશિયલ મીડિયા પર જણાવ્યું હતું કે સોમવારથી GRAP-4ના અમલીકરણ સાથે 10મા અને 12મા ધોરણ સિવાયના તમામ વિદ્યાર્થીઓ માટે ઑફલાઇન ક્લાસ બંધ કરી દેવામાં આવ્યા છે. નવા આદેશ ન આવે ત્યા સુધી તમામ શાળાઓના વર્ગો ઓનલાઈન ચલશે.
10મા અને 12મા ધોરણ સિવાય તમામ વિદ્યાર્થીઓ માટે ઑફલાઇન ક્લાસ બંધ
દિલ્હી સરકાર દ્વારા આ જાહેરાત એવા સમયે કરવામાં આવી છે જ્યારે દિલ્હીમાં પ્રદૂષણનું સ્તર સતત પાંચમા દિવસે પણ ખતરનાક સ્તર પર છે. GRAPના ચોથા તબક્કા હેઠળ દિલ્હી-નેશનલ કેપિટલ રિજન (NCR) માટે કમિશન ફોર એર ક્વોલિટી મેનેજમેન્ટ (CAQM) દ્વારા પ્રદૂષણ નિયંત્રણના કડક પગલાં લેવામાં આવ્યા છે.
મોટાભાગના વિસ્તારોમાં AQI 700 થી વધુ
GRAP 4નો ચોથો તબક્કો સોમવારે સવારે 8 વાગ્યાથી પ્રભાવી થઈ ગયો છે. દિલ્હીનો એર ક્વોલિટી ઈન્ડેક્સ (AQI) રવિવારે ગંભીર શ્રેણીમાં પહોંચી ગયો હતો. દિલ્હીમાં AQI સાંજે 4 વાગ્યે 441 નોંધાયું હતો. પ્રતિકૂળ હવામાનને કારણે સાંજે 7 વાગ્યા સુધીમાં વધીને 457 થયું હતું. દિલ્હીમાં સોમવારે પ્રદૂષણ વધુ ઘાતક બન્યું છે. દિલ્હીના મોટાભાગના વિસ્તારોમાં AQI 700 થી વધુ છે. સૌથી વધુ AQI મુંડકામાં 1185 અને જહાંગીરપુરીમાં 1040 નોંધાયો છે.
GRAP – 4ની શરતો
1) CMQMના આદેશ મુજબ આજથી આવશ્યક ચીજવસ્તુઓનું વહન કરતી અથવા સ્વચ્છ ઇંધણ (LNG/CNG/BS-VI ડીઝલ/ઇલેક્ટ્રિક) સિવાયના કોઈપણ ટ્રકને દિલ્હીમાં પ્રવેશવાની મંજૂરી આપવામાં આવશે નહીં.
2) શિક્ષણ નિયામકની કચેરીએ આગામી આદેશો સુધી ધોરણ 9 અને 11 સુધીના વિદ્યાર્થીઓ માટે ઑફલાઇન વર્ગો યોજવામાં ન આવે.
3)શિક્ષણ નિયામકના પરિપત્ર મુજબ ધોરણ 10 અને 12ના વિદ્યાર્થીઓ માટે વર્ગો ચાલુ રહેશે.
