ત્રીજી ટેસ્ટ મેચમાં આ ધાકડ બોલરની ટીમ ઈન્ડિયામાં થશે એન્ટ્રી

• ભારત અને ન્યુઝીલેન્ડ વચ્ચે 1 નવેમ્બરથી ત્રીજી ટેસ્ટ મેચ મુંબઈમાં શરૂ થશે
• રાણાએ 9 ફર્સ્ટ ક્લાસ મેચમાં 36 વિકેટ ઝડપી

ભારત અને ન્યુઝીલેન્ડ વચ્ચે 1 નવેમ્બરથી ત્રીજી ટેસ્ટ મેચ મુંબઈમાં શરૂ થશે. આ મેંચ પહેલા ટીમ ઈન્ડિયામાં મોટો ફેરફાર થવાના એંધાણ છે. ભારતીય ટીમે ફાસ્ટ બોલર હર્ષિત રાણાને ટીમમાં સામેલ કરી શકે છે. હર્ષિત રાણાને મુંબઈ ટેસ્ટમાં ડેબ્યૂ કરવામાં આવી શકે છે. કારણ કે, જસપ્રીત બુમરાહને ત્રીજી ટેસ્ટ મેચમાં આરામ આપવામાં આવ્યો હોવાના અહેવાલ સામે આવ્યા છે. પરંતુ આ અંગે કોઈ પુષ્ટી થઈ નથી. હર્ષિત રાણા દિલ્હીનો ફાસ્ટ બોલર છે જે કેકેઆર તરફથી આઈપીએલ રમે છે. હર્ષિત રાણાને બોર્ડર-ગાવસ્કર ટ્રોફીની ટીમમાં પણ જગ્યા મળી છે.

નાની ઉંમરમાં ટીમ ઈન્ડિયામાં તક મળી
હર્ષિત રાણાની ઉમંર માત્ર 22 વર્ષની છે. તેઓ નાની ઉંમરમાં ટીમ ઈન્ડિયામાં તક મળી છે. હર્ષિત રાણાની વિશેષતા અંગે વાત કરવામાં આવે તો, ઝડપી બોલિંગની સાથે સાથે બેટિંગ પણ કરી શકે છે. તાજેતરમાં હર્ષિત રાણાએ રણજી ટ્રોફિમાં આસામ સામે 5 વિકેટ લીધી હતી. સાથે સાથે 50 રન પણ બનાવ્યા હતા. આ ઓલરાઉન્ડ કુશળતાના કારણે ઓસ્ટ્રેલિયા સામેની ટેસ્ટ શ્રેણીમાં તક મળી હતી.

IPLમાં શાનદાર બોલિંગ
હર્ષિત રાણાના ડોમેસ્ટિક કરિયરની વાત કરીએ તો, આ ખેલાડીએ 9 ફર્સ્ટ ક્લાસ મેચમાં 36 વિકેટ ઝડપી છે. તેમણે એક ઇનિંગ્સમાં પાંચ વિકેટ લેવાની સિદ્ધિ મેળવી છે. હર્ષિતે ફર્સ્ટ ક્લાસ ક્રિકેટમાં 41ની એવરેજથી 410 રન પણ બનાવ્યા છે. આઈપીએલમાં હર્ષિત રાણા કેકેઆર તરફથી રમે છે, જ્યા તેમણે શાનદાર બોલિગ કરી હતી.